我知我知我係好耐都冇寫, 因為小朋友真係大得好快, 一篇未寫完又 outdate 左, 享受每一日好過為左要寫野避開個小朋友唔理佢。
最近小小已經發展出好多完整句子, 1歲3個月嘅佢, 上個禮拜有一晚我、我媽同佢喺屋企食飯, 佢面前有一碟菜心, 佢食完分俾佢嘅菜心之後, 仲不停夾碟入面嗰 d (冇錯, 估佢唔到佢揸筷子已經達致至爐火純青嘅境界) , 於是我就快快手食埋 d 外莢, 留左一條菜心芯喺碟入面, 點知佢竟然話 "你地食晒拿? 我咪冇得食囉0.0" 咁, 連日日同佢對話最多嘅我媽都嚇到O晒咀係咁笑。
最近有人送左一套切菜玩具俾小小, 佢好鍾意, 晚晚返到屋企係咁切。以下係前晚我沖完涼出黎聽倒嘅對話:
小小: 呢個係蕃茄黎架, 媽媽好鍾意食蕃茄架
嫲嫲: 係喎(係蕃茄喎)。你好鍾意食蕃茄?
小小: 係媽媽鍾意食蕃茄, 唔係…(聽唔清楚) 好鍾意食蕃茄
嫲嫲: 哦～你好鍾意食蕃茄~
小小: (大力) 係佢鍾意食蕃茄, 唔係我鍾意食蕃茄
嫲嫲: 係喎(係蕃茄喎)。你好鍾意食蕃茄?
小小: 係媽媽鍾意食蕃茄, 唔係…(聽唔清楚) 好鍾意食蕃茄
嫲嫲: 哦～你好鍾意食蕃茄~
小小: (大力) 係佢鍾意食蕃茄, 唔係我鍾意食蕃茄
證明小小係識分你我他的 XD
