自從 yahoo blog 話摺埋, 一直都冇時間寫 blog, 搬都冇時間... 公司忙到爆, d 人見你未走 (其實係未走倒) 又再質野俾你做, 我直情話 「我今晚做唔倒架喇, 你聽朝搵人幫你做啦」, 忙到冇時間行開去揸奶, 連續兩個禮拜冇揸奶o既結果, 竟然係 乳!腺!炎!
前日下午已經覺得作病，仲以為俾人傳染左感冒，點知琴日右邊胸開始痛，泵奶都痛，結果下午更燒，最後收工時間堅持做定一 d 本來星期五做、冇其他人識/會做o既野，決定今日 (星期五) sick leave。
訓訓訓訓訓，訓到成 11點先起身，跟住去左健康院。健康院個 secu 阿姐竟然認得我，仲問點解冇帶阿B。琴晚上網 search 乳腺炎係咪可以去健康院，個個講法都唔同， anyway 我今朝照去左健康院見餵奶姑娘，餵奶姑娘按完都覺得係乳腺炎，安排我再見醫生，估唔到見醫生時佢竟然會幫我推，wow，我冇睇倒，但佢話推倒唔同色o既奶出黎，話仲推倒血添。好彩去倒健康院時已冇咁痛，琴晚痛到飛起，件衫 hi 倒都痛，如果琴晚俾人推胸應該好大鑊...
紀錄一下。報告完畢
