D 人成日話「你大住個肚，一個人食兩個人野」
----- 實情係，我覺得而家餵人奶先係要一個人食兩個人野
大肚唔好飲咖啡奶茶，D 咖啡因會影響 BB
----- 實情係，大肚o個時都有好久唔久飲下奶茶過口癮，飲完 BB o係肚入面真係會興奮 D 踢得緊要 D。但而家餵人奶係直情完全唔敢飲 -- 以前都只係踢下，而家如果佢因為我飲左奶茶搞到佢興奮得濟唔訓，就係我自己攞黎賤喇.... (佢本身已經唔係好訓，再醒多 D 真係食得屎.....
)大肚，係好多野唔做得，但都仲有得自己選擇做咩唔做咩，其實都仲係自己一個人好自由
----- 而家多左件人，又唔可以唔理佢 (請問o係香港可唔可以送佢俾人?)，真正乜都做唔倒，有時佢喊緊 / 食緊奶，真係急到賴都冇得去厠所 (真係賴，因為會陰肌肉仲係好鬆)。冇得訓，但係仲有好多衫要洗，飯都冇時間食，仲要想泵奶 .....
最令人沮喪係，佢成日癲喪咁喊，又唔知喊乜，o岩o岩已經食完，又換左片，摸佢又算太熱太凍.... 究竟咩事呀????!!?!!!!! 喊到人地勁燥!!!
kiki
回覆刪除2013年2月8日下午12:25
其實..........
我起初大肚時, 一個月一杯starbucks;
到大肚後期, 我一星期一杯沖既三合一;
到而家bb出世後要餵人奶, 我問過好多醫生, 姑娘既意見, 佢地話餵人奶都可以飲小小既, 只要你飲完過一個鐘先餵俾bb, 其實係無影響既........
好多人同我講叫我唔好飲, 但我每次都會隔一個鐘先餵bb, 捱夜餵奶已經唔容易, 我都係想做返小小自己開心既野者......=.=
所以其實飲小小係ok架.....(big grin)
小小媽媽
2013年2月11日上午9:02
係呀！餵人奶真係冇晒自己！我前日都飲左半杯奶茶(big grin)
manchi
回覆刪除2013年1月24日上午10:15
一開始個陣係喊得多，
我個個都係甘，仲要係起夜晚喊.........
所以，起日頭，知道佢係食肥無濕片，
就俾佢喊10mins，之後先抱..........
有時唔夠10mins，佢自己已經訓左.............
者係佢喊係扭訓，而我形容就係佢食左奶，o的能量花起邊，
就係要花o的力氣喊，先訓到~^^~
小小媽媽
2013年1月24日下午4:00
我試過抱住佢而佢唔停咁喊，我癲左咁大力打佢條片大叫「你喊夠未呀?!!」，跟住我老公即刻衝入黎，而我自己崩潰左o係度喊，話對唔住呀媽媽打你......
多謝你 manchi ... 我而家感覺好好多
manchi
2013年1月25日上午9:24
所以，佢喊而你又唔想理佢個陣，
自己搵野做下，
行開下，個人感覺會好點~^^~
當然你聽到佢其實點都會唔舒服(winking)
Oi Yee
回覆刪除2013年1月24日上午9:40
慢慢嚟啦, 過多一排就適應架喇, 加油
小小媽媽
2013年1月24日下午4:00
知道! 我成日同自己講「個個都係咁，其實小小已經算好乖」，係咪?