自從 yahoo blog 話摺埋, 一直都冇時間寫 blog, 搬都冇時間... 公司忙到爆, d 人見你未走 (其實係未走倒) 又再質野俾你做, 我直情話 「我今晚做唔倒架喇, 你聽朝搵人幫你做啦」, 忙到冇時間行開去揸奶, 連續兩個禮拜冇揸奶o既結果, 竟然係 乳!腺!炎!
前日下午已經覺得作病，仲以為俾人傳染左感冒，點知琴日右邊胸開始痛，泵奶都痛，結果下午更燒，最後收工時間堅持做定一 d 本來星期五做、冇其他人識/會做o既野，決定今日 (星期五) sick leave。
訓訓訓訓訓，訓到成 11點先起身，跟住去左健康院。健康院個 secu 阿姐竟然認得我，仲問點解冇帶阿B。琴晚上網 search 乳腺炎係咪可以去健康院，個個講法都唔同， anyway 我今朝照去左健康院見餵奶姑娘，餵奶姑娘按完都覺得係乳腺炎，安排我再見醫生，估唔到見醫生時佢竟然會幫我推，wow，我冇睇倒，但佢話推倒唔同色o既奶出黎，話仲推倒血添。好彩去倒健康院時已冇咁痛，琴晚痛到飛起，件衫 hi 倒都痛，如果琴晚俾人推胸應該好大鑊...
紀錄一下。報告完畢
乳腺炎同普通塞有冇分別架? 健康院有餵奶姑娘架? 我未見過, 點見架?
回覆刪除分別就係前者好明顯有發焼和疲倦感覺
刪除sorry Krystal 隔左咁耐先睇倒你個 msg
刪除我以前成日泵到冇奶出個胸都仲係實, 我就以為o個 d 叫做塞左. 近兩日先真正見識倒咩叫做塞, 塞係好明顯有粒波子咁o係入面, 按佢會郁會痛. 上次乳腺炎都係會痛, 但比起塞, 係再痛好多, 同埋會發燒.
你係香港媽媽? bb 幾大呀? 我第一次返健康院就已經見餵奶姑娘, 我唔係太記得, 但好似係第一次返健康院時, 見姑娘話係食人奶, 佢問我有冇問題, 之後就問我要唔要見餵奶姑娘咁樣.
如果你準備餵人奶或者新餵緊人奶, 睇多 d 資料真係好重要呀, 不過更重要o既係你要有自己o既立場, 同冷靜分析 forum (例如 bk) d 人講o既野, 唔係所有論點放o係所有人身上都o岩的, 要自己揀o岩自己用o既資料.
希望幫倒你 ^^ 可以一齊研究下
能夠持續餵到咁耐既人奶媽一d都唔容易，我都餵左半年嘞，開始成日塞，所以一有少少粒粒已經好緊張，又按摩又冰敷又博命比仔啜，因為一旦乳腺炎我知會好麻煩。你好好保重身體呀！
回覆刪除c琪 我知道我自己絕對係輕微炎 only, 好番就 ok la :D 不過都真係會驚再炎o架
刪除