sir滑梯

屋企樓下其實有好多遊樂設施，但地利關係通常都係玩商場門口最低b嗰個。雖然d硬件係俾低b玩（有個假山山窿、兩個搖搖馬同一個到大人腰咁高嘅sir滑梯）但因為地點喺屋苑商場門口（係必經之路），而且連接籃球場排球場，係最大嘅空地，所以呢個低d場同時會有好多板車單車飛來飛去，我覺得其實勁危險。

相中呢個係另一個我鍾意嘅場，雖然成套遊樂設施淨係得呢條滑梯玩得倒（其餘係鐵鍊陣），但淨係上樓梯再 sir 呢條梯，小小已經可以玩好耐，而且呢度要行幾步先到，變左小d人喺度玩，但一樣有好大個空地（因為係樓梯嘅 landing），而且因為少人，成日都有麻雀，仲處於鍾意追雀階段嘅小小可以玩好耐。冇咁多人喺度飛車，亦代表我唔使一眼關七到實，冇咁大心理壓力。

自從小小嘅跑同攀爬能力進步晒之後，可以玩嘅設施多左好多。啱啱兩歲嘅佢已經可以自己玩晒2-5歲嘅設施，同埋好多5-12歲設施嘅一半。而家天氣好凍，期望天氣回暖可以去多d郊遊啦^^