今日返工第2日。
琴日過左繁忙而且匆忙o既一天，尚幸一切順利，點知.... 今日 lunch time 泵奶o既時候就發生甩泵事件喇.... 成杯奶倒瀉晒.....
2013年2月28日 星期四
2013年2月23日 星期六
夜奶
個個初生BBo既父母都好關心介夜奶o既課題。小小啱啱出世時，富媽媽半夜會同我通 whatsapp，因為大家都咁上下3/4/5點o既時間起左身，我就係起身餵奶，富媽媽就係囡囡4點幾喊食，佢抱住BB安撫佢但唔俾奶佢食住，希望幫佢介夜奶。
至於另一個同小小差唔多日數出世o既 BB，老豆係老公o既舊同事，佢都好關心咁開左個爸爸團 whatsapp group，問其他爸爸佢係可以 expect 佢個仔會開始介夜奶，爸爸 group 一致咁話「得一個月大 ja wor，冇咁快可以介夜奶。
至於我呢.... 見過有人話 BB 一個月自己介左夜奶，當時我都諗︰「如果小小都可以一個月就介倒夜奶就正囉!!!」。正還正，其實我冇刻意諗過要點幫小小介夜奶，因為BB咁細，消化得快，隔幾個鐘就要食都好正常 je。上回講到我返醫院見 lactation specialist，我幾乎次次都問佢應該俾BB食定係訓，因為如果計鐘o既話，好多時小小食完好耐先肯訓，咁就夠鐘時都仲訓緊。小小一個月多D時，姑娘話唔過4個鐘都OK，因為小小目前增重理想 (佢出世時因為輕太多而要每2小時追餐)，所以可以轉為訓得倒就俾佢訓多D，於是，由嗰時開始，雖然小小跟緊3個小時食一餐o既cycle，但如果佢訓得倒我都唔會特登摷醒佢 (PS 唔知關唔關事育成左而家佢成為左一個肥脾妹
)
講返夜奶。出世要追磅所以2小時追餐時，夜晚食奶時間係 12am / 3am / 6am，到之後聽我媽咪講要佢跟 2.5小時 cycle時都係 12am / 3am / 6am，而且都係摷醒食。到姑娘話佢可以4小時先食時，我就開始 5am 餵佢，到再後來我仲有2-3星期就返工喇，而且佢5am又唔太醒，我就開始跟返工時間6am餵佢。滿月前小小都係食完11點幾/12點幾奶之後就俾老公湊左出廳，等佢可以訓覺，到小小滿左月，我就同老公商量不如佢喺返房熄少少燈o既環境um佢訓，因為小小滿左月開始知咩事，而且我精神又好返D，我唔想小小養成習慣半夜o係好光o既環境，咁先可以下一步俾佢習慣夜晚要o係房訓覺。
有一次，佢 cher 完11點幾o個次奶之後，我地就咁放左佢落床 (o係房入面)，跟住兩公婆好安樂咁o係出面沖涼同睇電視，點知小小真係喊左一輪之後自己訓左，之後幾晚我地都係咁，11點幾12點左右餵奶/食完，跟住就放佢落床，我又一齊o係大人床訓，佢都係喊左幾聲 (當然我要忍住)，之後都訓左。就係咁過左幾晚都ok，反而有時會訓到6點唔醒搞到我個心十五十六唔知點好，又唔忍心整醒佢，但又怕佢唔醒第時我返工時都唔知叫唔叫佢食好 .....
就係咁，我地好安樂亦好開心小小可以夜晚訓咁耐。後來同另一個爸爸傾起，人地爸爸話我小小根本唔算有夜奶 !!!!! 佢話原來要BB有半夜喊食先算係有夜奶... 而我小小從來都係俾我地叫醒.... 而且而家仲可以12點/1點訓一覺長，所以我地係勁幸福/幸運 !!!!!
至於另一個同小小差唔多日數出世o既 BB，老豆係老公o既舊同事，佢都好關心咁開左個爸爸團 whatsapp group，問其他爸爸佢係可以 expect 佢個仔會開始介夜奶，爸爸 group 一致咁話「得一個月大 ja wor，冇咁快可以介夜奶。
至於我呢.... 見過有人話 BB 一個月自己介左夜奶，當時我都諗︰「如果小小都可以一個月就介倒夜奶就正囉!!!」。正還正，其實我冇刻意諗過要點幫小小介夜奶，因為BB咁細，消化得快，隔幾個鐘就要食都好正常 je。上回講到我返醫院見 lactation specialist，我幾乎次次都問佢應該俾BB食定係訓，因為如果計鐘o既話，好多時小小食完好耐先肯訓，咁就夠鐘時都仲訓緊。小小一個月多D時，姑娘話唔過4個鐘都OK，因為小小目前增重理想 (佢出世時因為輕太多而要每2小時追餐)，所以可以轉為訓得倒就俾佢訓多D，於是，由嗰時開始，雖然小小跟緊3個小時食一餐o既cycle，但如果佢訓得倒我都唔會特登摷醒佢 (PS 唔知關唔關事育成左而家佢成為左一個肥脾妹
)講返夜奶。出世要追磅所以2小時追餐時，夜晚食奶時間係 12am / 3am / 6am，到之後聽我媽咪講要佢跟 2.5小時 cycle時都係 12am / 3am / 6am，而且都係摷醒食。到姑娘話佢可以4小時先食時，我就開始 5am 餵佢，到再後來我仲有2-3星期就返工喇，而且佢5am又唔太醒，我就開始跟返工時間6am餵佢。滿月前小小都係食完11點幾/12點幾奶之後就俾老公湊左出廳，等佢可以訓覺，到小小滿左月，我就同老公商量不如佢喺返房熄少少燈o既環境um佢訓，因為小小滿左月開始知咩事，而且我精神又好返D，我唔想小小養成習慣半夜o係好光o既環境，咁先可以下一步俾佢習慣夜晚要o係房訓覺。
有一次，佢 cher 完11點幾o個次奶之後，我地就咁放左佢落床 (o係房入面)，跟住兩公婆好安樂咁o係出面沖涼同睇電視，點知小小真係喊左一輪之後自己訓左，之後幾晚我地都係咁，11點幾12點左右餵奶/食完，跟住就放佢落床，我又一齊o係大人床訓，佢都係喊左幾聲 (當然我要忍住)，之後都訓左。就係咁過左幾晚都ok，反而有時會訓到6點唔醒搞到我個心十五十六唔知點好，又唔忍心整醒佢，但又怕佢唔醒第時我返工時都唔知叫唔叫佢食好 .....
就係咁，我地好安樂亦好開心小小可以夜晚訓咁耐。後來同另一個爸爸傾起，人地爸爸話我小小根本唔算有夜奶 !!!!! 佢話原來要BB有半夜喊食先算係有夜奶... 而我小小從來都係俾我地叫醒.... 而且而家仲可以12點/1點訓一覺長，所以我地係勁幸福/幸運 !!!!!
2013年2月20日 星期三
lactation specialist / 練習用樽食奶
話說聯合醫院有社康護士o既服務，$80 一次可以安排社康護士o係產後上門幫你睇傷口同 bb，一般係出院第二日上黎一次，隔多幾日再上黎一次。以我本人「蛇 gue」o既性格，覺得 $80 有人可以幫我睇下傷口，抵到爛，產前講座提到有呢個服務o既時候已經諗住要。
負責我o個區呢個李姑娘真係好好人，佢知道我好唔開心好大壓力之後，建議同我安排返去醫院跟進。後來佢發現o個個同事其實係 station o係健康院，由於頭兩星期追體重o既時候返健康院o既經歷都係其中一個令我唔開心同好大壓力o既原因，所以我就同佢講好唔想返健康院，如果返醫院就 ok，所以後來佢都安排倒我返醫院。我最初以為係見輔導員之類，去到先知原來係一個 lactation specialist，但佢最初都有開一張「兒童成長科」之類o既預約紙俾我，我估佢都有做呢種服務。
見完第一次面之後，佢建議下次帶埋 BB 去俾佢睇食奶情況，因為餵奶 / 夠唔夠食都係其中一個當時好困擾我o既問題。
就係咁樣誤打誤撞竟然俾我要同一個 lactation specialist 係咁 make appointment 餵奶俾佢睇，每個禮拜返去一次，先幫 BB 磅重，對返同上次重左幾多，跟住就開始餵奶，一路餵一路聽佢講野，餵完就走。因為下個星期開始返工，所以今朝係最後一次見佢。我成日都因為BB喊時應唔應該抱、驚佢冇安全感o既問題而苦惱，今日佢竟然同我講話我個 bb 好有安全感，佢話見 bb 食奶時好安樂，因為知道自己幾時想食都會有，唔使驚會冇得食。的確，佢次次食奶都 un un 腳咁，我以為個個BB都會咁。姑娘咁講簡直插中仲我o既死穴，知道小小好有安全感我好開心
。琴晚有一餐老公用樽餵，佢兩個糾纏左一輪，小小不滿咁叫左兩聲，老公同佢講︰「奶黎架，有味架 (因為老公之前俾過水佢飲，老公話佢啜一啖，見係冇味o既野，跟住一個「你呃我」o既眼神怒啤佢)」，因為個奶嘴已經塞到入口，小小被逼啜左兩啖，「係喎有味架喎」(同埋o個枝奶係今朝新鮮的)，跟住又好乖咁開始食，當時佢都訓得好定，都有 un un腳。
上個禮拜紅日去婆婆度俾婆婆用樽餵時，小小一係就唔肯食，一係就郁身郁勢，估佢都係唔鍾意食冰奶，我自己飲返都覺得好難飲。下個星期返工，一定唔會泵得夠一日o既餐，近個幾星期為左追奶，有好多細細包o既冰奶o係雪櫃，希望佢第時肯飲啦.....
負責我o個區呢個李姑娘真係好好人，佢知道我好唔開心好大壓力之後，建議同我安排返去醫院跟進。後來佢發現o個個同事其實係 station o係健康院，由於頭兩星期追體重o既時候返健康院o既經歷都係其中一個令我唔開心同好大壓力o既原因，所以我就同佢講好唔想返健康院，如果返醫院就 ok，所以後來佢都安排倒我返醫院。我最初以為係見輔導員之類，去到先知原來係一個 lactation specialist，但佢最初都有開一張「兒童成長科」之類o既預約紙俾我，我估佢都有做呢種服務。
見完第一次面之後，佢建議下次帶埋 BB 去俾佢睇食奶情況，因為餵奶 / 夠唔夠食都係其中一個當時好困擾我o既問題。
就係咁樣誤打誤撞竟然俾我要同一個 lactation specialist 係咁 make appointment 餵奶俾佢睇，每個禮拜返去一次，先幫 BB 磅重，對返同上次重左幾多，跟住就開始餵奶，一路餵一路聽佢講野，餵完就走。因為下個星期開始返工，所以今朝係最後一次見佢。我成日都因為BB喊時應唔應該抱、驚佢冇安全感o既問題而苦惱，今日佢竟然同我講話我個 bb 好有安全感，佢話見 bb 食奶時好安樂，因為知道自己幾時想食都會有，唔使驚會冇得食。的確，佢次次食奶都 un un 腳咁，我以為個個BB都會咁。姑娘咁講簡直插中仲我o既死穴，知道小小好有安全感我好開心
。琴晚有一餐老公用樽餵，佢兩個糾纏左一輪，小小不滿咁叫左兩聲，老公同佢講︰「奶黎架，有味架 (因為老公之前俾過水佢飲，老公話佢啜一啖，見係冇味o既野，跟住一個「你呃我」o既眼神怒啤佢)」，因為個奶嘴已經塞到入口，小小被逼啜左兩啖，「係喎有味架喎」(同埋o個枝奶係今朝新鮮的)，跟住又好乖咁開始食，當時佢都訓得好定，都有 un un腳。上個禮拜紅日去婆婆度俾婆婆用樽餵時，小小一係就唔肯食，一係就郁身郁勢，估佢都係唔鍾意食冰奶，我自己飲返都覺得好難飲。下個星期返工，一定唔會泵得夠一日o既餐，近個幾星期為左追奶，有好多細細包o既冰奶o係雪櫃，希望佢第時肯飲啦.....
2013年2月17日 星期日
小小的微笑
如果唔係小小遲過預產期出世，本來聽日我就要返工喇，但因為小小遲過預產期出世，所以我跟勞工法例向公司要求放多遲左嗰幾日產假，但會係 no pay，不過冇所謂啦，休息/湊B多兩日重要過D錢。而家捱左6個禮拜，真係唔敢諗如果放前4後6會係點。仲有個半禮拜就返工喇，本來想追奶預備，但依然係連食完之後搾清嘅時間都冇，仲未做倒喺兩餐之間再泵多一次
小小開始定D，我又冇咁驚，所以呢排同小小出多左街。好多時我地會抱埋佢落樓下食tea，琴日就抱左佢出去油麻地買佢D嘢，今日就去左朋友屋企，所以兩日都有兩餐喺街食，搞到佢食得唔係幾好，返到屋企食六點嗰餐時好似要食返夠本咁。
最近可能多左時間望住小小，覺得佢而家好似好唔同，例如近個幾禮拜開始好多時都真係喺食完奶有 signal，有時會好冷靜咁吐乳頭，有時唔吐就咬住笑，有時甩左口之後坐直左之後仲會傻笑，好搞笑。近兩日精神同心情都再好左D，有時間就同小小玩一陣，所謂玩，其實只係擺左喺大床，我就伏喺度同佢講野，佢已經識社交微笑，初初都唔係好肯定佢個笑容係回應定無意識（初生兒會有無意識微笑），但當同佢傾多左計就好肯定佢係回應緊我地。
小小開始定D，我又冇咁驚，所以呢排同小小出多左街。好多時我地會抱埋佢落樓下食tea，琴日就抱左佢出去油麻地買佢D嘢，今日就去左朋友屋企，所以兩日都有兩餐喺街食，搞到佢食得唔係幾好，返到屋企食六點嗰餐時好似要食返夠本咁。
最近可能多左時間望住小小，覺得佢而家好似好唔同，例如近個幾禮拜開始好多時都真係喺食完奶有 signal，有時會好冷靜咁吐乳頭，有時唔吐就咬住笑，有時甩左口之後坐直左之後仲會傻笑，好搞笑。近兩日精神同心情都再好左D，有時間就同小小玩一陣，所謂玩，其實只係擺左喺大床，我就伏喺度同佢講野，佢已經識社交微笑，初初都唔係好肯定佢個笑容係回應定無意識（初生兒會有無意識微笑），但當同佢傾多左計就好肯定佢係回應緊我地。
2013年2月12日 星期二
1月2日至4日 -- 產後房
生完之後，o係產房搞左一大輪，因為 BB 頭太大o既關係，生到我有二級撕裂，縫左好多針，簡單黎講係仲痛過生仔，我估係因為剪會陰枝止痛針已經過晒但佢仲縫緊針，佢下下拮針我都 feel 倒，你諗下o個度仲要係最敏感o既位置喎，我直情係又喊又叫拆晒天，姑娘淨係猛叫我吸笑氣，我係咁吸笑氣，隔左唔知幾耐我竟然識得叫要求打止痛針先繼續縫，醫生 check 左好耐，話要知道我之前落過咩藥，先肯幫我打針。搞左咁大輪搞到我虛脫。唔記得最後係點樣 finish，我淨係記得佢地走晒之後我係死屍咁訓o係張產床度 (個個生完都起碼要o係產房再觀察兩個鐘的)，部份原因係 d 笑氣令到我好 wing。
過左唔知幾耐，有阿姐隊個電話佢我叫我打俾屋企人報平安，咁我就打左俾我老公。但我完全聽唔清楚佢講咩，唔知係電話細聲定係我未 wing 完。又過左唔知幾耐，阿姐就話要推我上產後房喇，自己 gut 左過輪床之後，佢將我個走佬袋放埋o係我張輪床度一齊推上房。
上左房之後，我依然係好似昏迷咁訓著，下面 feel 倒 d 血係咁流，我以為係正常o既。到某個時間唔記得係阿姐問我要唔要小便定係咩事，阿姐見倒我流到成張床墊都係，跟住我竟然俾佢鬧，話我做乜係咁流血都唔出聲，又話我唔「初」肚 (即係打轉按摩肚幫助子宮收縮)，最衰係仲要加多句「你做左人阿媽o架喇」意思係怪我乜都唔做。我當時好唔開心，都冇人教過 / 叫過我要初肚同流血要出聲，點知而家要初肚同點知原來流血唔係正常
，於是我係咁初係咁初，跟住 feel 倒有一陣血流出黎時我又即刻按鐘問佢「呢種流法係咪就係要出聲」。後來先知原來因為我有撕裂同有個血泡，所以先會流血流得咁勁，半夜再 call 左醫生黎幫我 check 個血泡有冇問題 (就係 on call 36小時 o個 d houseman 囉，超搞笑)。
到半夜三點幾，病房會叫 d 媽媽起身餵奶，阿姐就推左張輪椅黎話要我落床同帶我去厠所，我坐起身超暈，每郁一下都要停好耐等 d 血上返腦，奇蹟地呢一刻個阿姐又超有耐性，好好聲咁叫我慢慢黎，又慢慢等我，推左我去沖洗厠之後又俾時間我慢慢試下有冇得疴。我當刻勁驚傳聞話疴唔出就要插尿喉，但努力極都係得兩滴，好彩原來係冇插尿喉呢回事o既 (我諗真係超耐o個 d 先會囉)。
BB o係第二日o既 4/5 點左右由隔離病房返黎產後房，之後我就要開始埋身餵奶喇。初初會o係育嬰房由姑娘睇住餵，後來佢見你 ok 就會要你推 BB 返自己床位。我本來諗住有咩事可以去返育嬰房問姑娘，點知有一次我搞唔掂推 BB 去時，o係門口即俾人截住叫我返自己床，第二次我本來想話我觀察左好耐 bb 打震想問係咪要加衫，未到門口已經俾人截住，我唔敢問係咪要加衫，改為問係咪可以攞睡袋 (因為之前o係育嬰房見 bb 著住睡袋，但俾我拎返睡時佢已經冇左個睡袋)，又俾人話唔使跟住趕我返自己床。簡單黎講，唔好諗住聯合醫院產後房 d 姑娘會教你點做，基本上係自生自滅.... 我唔係生左個仔出黎就自動波知發生咩事同點做架.... 問下都唔得.....
呢晚(生完第二日)無端端有個姑娘話「你聽日出院喎，你知唔知」，下? 冇人同我講喎。於是第三日朝早急急去聽出院講座，先知原來學同 bb 沖涼要一日前申請，而且出院o個日係唔會沖涼，下?! QE 生o既 blogger 話佢地出院o個日 bb 會沖好涼俾返你，聯合原來唔會... 又，如果要一日前申請而且出院o個日唔會沖，即係話我一生完第二朝就要知道自己要聽出院講座同埋話要學同 bb 沖涼?! 咁你唔早 d 同我講話其實我唔可以唔第二朝就聽出院講座?!!! 好彩我之前上左陪用班已經識沖涼我先冇咁驚。
簡單黎講... 好衰咁講.... o係聯合生呢個經歷係好差 .... 除左陪我去厠所o個個突然間好有耐性o既阿姐
算喇，只係當做個紀錄， d 唔開心o既事放底佢，況且而家湊 bb 超忙超攰，不過近排小小 bb 笑容多左，有時見倒都會有融化o既感覺 ^^
過左唔知幾耐，有阿姐隊個電話佢我叫我打俾屋企人報平安，咁我就打左俾我老公。但我完全聽唔清楚佢講咩，唔知係電話細聲定係我未 wing 完。又過左唔知幾耐，阿姐就話要推我上產後房喇，自己 gut 左過輪床之後，佢將我個走佬袋放埋o係我張輪床度一齊推上房。
上左房之後，我依然係好似昏迷咁訓著，下面 feel 倒 d 血係咁流，我以為係正常o既。到某個時間唔記得係阿姐問我要唔要小便定係咩事，阿姐見倒我流到成張床墊都係，跟住我竟然俾佢鬧，話我做乜係咁流血都唔出聲，又話我唔「初」肚 (即係打轉按摩肚幫助子宮收縮)，最衰係仲要加多句「你做左人阿媽o架喇」意思係怪我乜都唔做。我當時好唔開心，都冇人教過 / 叫過我要初肚同流血要出聲，點知而家要初肚同點知原來流血唔係正常
，於是我係咁初係咁初，跟住 feel 倒有一陣血流出黎時我又即刻按鐘問佢「呢種流法係咪就係要出聲」。後來先知原來因為我有撕裂同有個血泡，所以先會流血流得咁勁，半夜再 call 左醫生黎幫我 check 個血泡有冇問題 (就係 on call 36小時 o個 d houseman 囉，超搞笑)。到半夜三點幾，病房會叫 d 媽媽起身餵奶，阿姐就推左張輪椅黎話要我落床同帶我去厠所，我坐起身超暈，每郁一下都要停好耐等 d 血上返腦，奇蹟地呢一刻個阿姐又超有耐性，好好聲咁叫我慢慢黎，又慢慢等我，推左我去沖洗厠之後又俾時間我慢慢試下有冇得疴。我當刻勁驚傳聞話疴唔出就要插尿喉，但努力極都係得兩滴，好彩原來係冇插尿喉呢回事o既 (我諗真係超耐o個 d 先會囉)。
BB o係第二日o既 4/5 點左右由隔離病房返黎產後房，之後我就要開始埋身餵奶喇。初初會o係育嬰房由姑娘睇住餵，後來佢見你 ok 就會要你推 BB 返自己床位。我本來諗住有咩事可以去返育嬰房問姑娘，點知有一次我搞唔掂推 BB 去時，o係門口即俾人截住叫我返自己床，第二次我本來想話我觀察左好耐 bb 打震想問係咪要加衫，未到門口已經俾人截住，我唔敢問係咪要加衫，改為問係咪可以攞睡袋 (因為之前o係育嬰房見 bb 著住睡袋，但俾我拎返睡時佢已經冇左個睡袋)，又俾人話唔使跟住趕我返自己床。簡單黎講，唔好諗住聯合醫院產後房 d 姑娘會教你點做，基本上係自生自滅.... 我唔係生左個仔出黎就自動波知發生咩事同點做架.... 問下都唔得.....
呢晚(生完第二日)無端端有個姑娘話「你聽日出院喎，你知唔知」，下? 冇人同我講喎。於是第三日朝早急急去聽出院講座，先知原來學同 bb 沖涼要一日前申請，而且出院o個日係唔會沖涼，下?! QE 生o既 blogger 話佢地出院o個日 bb 會沖好涼俾返你，聯合原來唔會... 又，如果要一日前申請而且出院o個日唔會沖，即係話我一生完第二朝就要知道自己要聽出院講座同埋話要學同 bb 沖涼?! 咁你唔早 d 同我講話其實我唔可以唔第二朝就聽出院講座?!!! 好彩我之前上左陪用班已經識沖涼我先冇咁驚。
簡單黎講... 好衰咁講.... o係聯合生呢個經歷係好差 .... 除左陪我去厠所o個個突然間好有耐性o既阿姐
算喇，只係當做個紀錄， d 唔開心o既事放底佢，況且而家湊 bb 超忙超攰，不過近排小小 bb 笑容多左，有時見倒都會有融化o既感覺 ^^
2013年2月11日 星期一
聯合走佬袋 (更新)
review 老佬袋係必寫 item !! 趁今朝心情同精神都 ok，快 D 寫！
先 list 醫院要求帶o既入院物品，然後再逐一分享︰
聯合醫院 list
紙巾兩盒 （一盒必須係硬盒裝，另一盒係自己用冇所謂）
初生嬰兒紙尿片一包
大毛巾兩條 (唔係必要)
柔濕巾一包
非黏貼產婦用衞生巾兩包
胸圍兩個 (我冇特登帶，反正o係病房冇戴 bra，出院就著返入院著住o個個，但如果你預備要用乳墊就要帶定)
網褲兩條
水杯 ........ 等個人日用品 (水杯可不帶，有一隻紙杯俾你，另有一暖壺熱水同一壺凍水。但要帶刷牙杯)
冬季請帶備嬰兒羊毛內衣，並請標記孕婦姓名 (唔需要)
locker 鎖 (想鎖就帶囉)
建議加
消毒濕紙巾 (抺厠板用)
厨紙 / tempo (去厠所用)
spare 電話電池 / portable 叉電 (唔使帶火牛，如果你插佢個電制叉電會被鬧)
乳墊（我有帶但冇用到，但聽聞有 D 媽鎷上奶好勁，咁就有用)
床墊 -- 醫院提供
好多人疑惑要唔要帶床墊，根據我睇好多走佬袋 review 嘅結論係：私家醫院通常係 package 包左幾張，政府醫通常都唔使自已帶。至於聯合根本就提都冇提，因為醫院會提供，啱啱生完返上房時仲 bea bea 聲流緊血時會有床墊墊住，流到一墊都係時會同你換床墊，但過左呢個關鍵時期之後就唔會再加床墊。床單上面會打橫舖左一張啡色膠布隔住，膠布上面再有一張窄床單舖住膠布，除非你之後仲流到一大灘血喺嗰張窄單上，否則唔會再換o個張窄床單。
產婦衞生巾 同 網褲
巾必買扣裝，穿左水就開始要用。要用扣裝係因為落左產房之後會一直訓床，係姑娘/阿姐幫你換，而且當時唔會著住褲（隨時生得喎，梗係乜都除晒啦，淨係褸著住醫院件袍），黏貼裝唔 work。扣裝係用一條紗布好似T-back咁吊住條 m巾，要自己預先綁好兩頭個扣（我當時唔知，俾個姑娘串我做乜冇綁定，跟住佢賺我綁得慢，一手搶去幫我綁，我心諗：仲好
）btw 如果跟建議用m巾去厠所真係唔知幾多包先夠，如果只係正常巾咁用，我建議先預2包扣裝拎晒入院，唔夠先叫老公買黎，返屋企用夜用裝都夠吸，好快仲可以轉用日用m巾。我順產仲餵人奶，清惡露要耐D，計埋入院用左3包產婦巾，半包夜用，4包日用，之後轉用護墊，前後一個月清惡露。
網褲係必須，落得床去得厠所就開始著網褲。網褲 cool 住 m巾好穩陣，我返左屋企都仲著緊網褲，因為住完醫院慣左係擺好 m中位置，再著網褲固定，當然都有好多人係著返普通底 or 紙底，係自己o既選擇囉。至於點解係兩條，我俾人趕出院就明喇，因為佢預你住兩晚。
沖洗瓶 -- 視乎個人需要，可買可不買
個 list 又係冇提，如果想搏一舖嘅話可以不買。產後房有兩格沖洗厠，我 prefer 去沖洗厠多過去返普通厠所，可以慢慢沖感覺乾淨D，第一次落地去厠所會係阿姐夾你過去同教埋你用沖洗厠。如果去普通厠所就要帶沖洗瓶，出院後自己出街（例如去健康院）就會要用沖洗瓶，但我去健康院嗰日會就住，出門口前唔好飲太多水，同埋用產婦衞生巾以防急到瀨時吸住，所以冇試過要喺街去厠所。不過，因為我屋企個企缸同座厠好近可以坐住喺座厠用花洒直接沖，如果你屋鸧個花洒唔係咁近就可能要用沖洗瓶。ps 惡露未清前我都冇出街，惡露清晒傷口又埋晒就唔需要沖洗。
尿片+柔濕巾 & 硬盒裝紙巾 -- 尿片及紙巾 must 有 各一
落到產房會收尿片，柔濕巾同一盒紙巾。有見過喺其他醫院生嘅 blogger 話帶左軟盒紙巾去俾人拒收，要佢補返一盒硬盒裝。聽聞呢盒紙巾係俾姑娘幫你餵奶時抺BB，但其實我冇見過佢地喺邊度有用呢D紙巾。老佬袋list寫要兩盒，第二盒係自己用only，所以其實帶乜紙都得。btw 阿姐同姑娘都會教話去完厠所沖洗完後用衛生巾印乾陰部，有blogger會建議用厨紙，兩者都係主要唔想普通紙巾濕水後甩出黎D碎 sip 左入傷口影響埋口，我帶左幾包 pocket size tempo 去厠所用，都 work，就唔使嘥咁多 m巾，厨紙我反而諗唔掂點拎咁大卷入院/入厠所。又 btw 有blogger 教帶消毒濕紙巾抺厠所板，我都有帶。
尿片同柔濕巾會o係你 BB 架車你度出現返，真係俾返你個 BB 用o既。
大毛巾 & BB 羊毛㡳衫
我估以前真係要帶大毛巾，而家 BB 所有住院時著嘅都係醫院衫（ 連睡袋都有），出院時叫屋企人帶衫俾BB出院就得，所以唔會問你攞 BB羊毛老底。
除非你需要大毛巾 for 你自沖涼，如果唔係，一條大毛巾都唔需要。
解悶物品 -- 可有可無
我本來都帶左一本書諗住等生時同生左後如果好悶都有 d 野做下，點知o係產前房好快就落左產房，所以期間電話都已經夠解悶，而生左之後，係覺得需要訓覺多過一切，所以亦都冇「解悶」o既必要。
後話
其實走佬袋真係可以好 minimal，視乎你點執同你有咩要求。重點係一生完根本都未落得床，傷口亦超痛，郁唔倒，根本攞唔倒走佬袋入面o既野 (因為阿姐幫你塞左入床頭櫃)。之後爭 d 咩都可以叫屋企人探病時拎黎，反而當你自己一個落產房時可能要自己拎，生完之後 d 袋都係放o係你張輪床度推上房，如果你有好多袋，張輪床就會唔夠位訓自己
更新 -- 今日去覆診，突然諗起要喺呢篇都提下︰如果老公 (or 其他屋企人) 諗住入產房陪產，注意要自備口罩！佢喺單張上面冇提過要自備，結果我老公上左嚟產房先話唔俾入，佢要再撲落7-11買
先 list 醫院要求帶o既入院物品，然後再逐一分享︰
聯合醫院 list
紙巾兩盒 （一盒必須係硬盒裝，另一盒係自己用冇所謂）
初生嬰兒紙尿片一包
大毛巾兩條 (唔係必要)
柔濕巾一包
非黏貼產婦用衞生巾兩包
胸圍兩個 (我冇特登帶，反正o係病房冇戴 bra，出院就著返入院著住o個個，但如果你預備要用乳墊就要帶定)
網褲兩條
水杯 ........ 等個人日用品 (水杯可不帶，有一隻紙杯俾你，另有一暖壺熱水同一壺凍水。但要帶刷牙杯)
冬季請帶備嬰兒羊毛內衣，並請標記孕婦姓名 (唔需要)
locker 鎖 (想鎖就帶囉)
建議加
消毒濕紙巾 (抺厠板用)
厨紙 / tempo (去厠所用)
spare 電話電池 / portable 叉電 (唔使帶火牛，如果你插佢個電制叉電會被鬧)
乳墊（我有帶但冇用到，但聽聞有 D 媽鎷上奶好勁，咁就有用)
床墊 -- 醫院提供
好多人疑惑要唔要帶床墊，根據我睇好多走佬袋 review 嘅結論係：私家醫院通常係 package 包左幾張，政府醫通常都唔使自已帶。至於聯合根本就提都冇提，因為醫院會提供，啱啱生完返上房時仲 bea bea 聲流緊血時會有床墊墊住，流到一墊都係時會同你換床墊，但過左呢個關鍵時期之後就唔會再加床墊。床單上面會打橫舖左一張啡色膠布隔住，膠布上面再有一張窄床單舖住膠布，除非你之後仲流到一大灘血喺嗰張窄單上，否則唔會再換o個張窄床單。
產婦衞生巾 同 網褲
巾必買扣裝，穿左水就開始要用。要用扣裝係因為落左產房之後會一直訓床，係姑娘/阿姐幫你換，而且當時唔會著住褲（隨時生得喎，梗係乜都除晒啦，淨係褸著住醫院件袍），黏貼裝唔 work。扣裝係用一條紗布好似T-back咁吊住條 m巾，要自己預先綁好兩頭個扣（我當時唔知，俾個姑娘串我做乜冇綁定，跟住佢賺我綁得慢，一手搶去幫我綁，我心諗：仲好
）btw 如果跟建議用m巾去厠所真係唔知幾多包先夠，如果只係正常巾咁用，我建議先預2包扣裝拎晒入院，唔夠先叫老公買黎，返屋企用夜用裝都夠吸，好快仲可以轉用日用m巾。我順產仲餵人奶，清惡露要耐D，計埋入院用左3包產婦巾，半包夜用，4包日用，之後轉用護墊，前後一個月清惡露。網褲係必須，落得床去得厠所就開始著網褲。網褲 cool 住 m巾好穩陣，我返左屋企都仲著緊網褲，因為住完醫院慣左係擺好 m中位置，再著網褲固定，當然都有好多人係著返普通底 or 紙底，係自己o既選擇囉。至於點解係兩條，我俾人趕出院就明喇，因為佢預你住兩晚。
沖洗瓶 -- 視乎個人需要，可買可不買
個 list 又係冇提，如果想搏一舖嘅話可以不買。產後房有兩格沖洗厠，我 prefer 去沖洗厠多過去返普通厠所，可以慢慢沖感覺乾淨D，第一次落地去厠所會係阿姐夾你過去同教埋你用沖洗厠。如果去普通厠所就要帶沖洗瓶，出院後自己出街（例如去健康院）就會要用沖洗瓶，但我去健康院嗰日會就住，出門口前唔好飲太多水，同埋用產婦衞生巾以防急到瀨時吸住，所以冇試過要喺街去厠所。不過，因為我屋企個企缸同座厠好近可以坐住喺座厠用花洒直接沖，如果你屋鸧個花洒唔係咁近就可能要用沖洗瓶。ps 惡露未清前我都冇出街，惡露清晒傷口又埋晒就唔需要沖洗。
尿片+柔濕巾 & 硬盒裝紙巾 -- 尿片及紙巾 must 有 各一
落到產房會收尿片，柔濕巾同一盒紙巾。有見過喺其他醫院生嘅 blogger 話帶左軟盒紙巾去俾人拒收，要佢補返一盒硬盒裝。聽聞呢盒紙巾係俾姑娘幫你餵奶時抺BB，但其實我冇見過佢地喺邊度有用呢D紙巾。老佬袋list寫要兩盒，第二盒係自己用only，所以其實帶乜紙都得。btw 阿姐同姑娘都會教話去完厠所沖洗完後用衛生巾印乾陰部，有blogger會建議用厨紙，兩者都係主要唔想普通紙巾濕水後甩出黎D碎 sip 左入傷口影響埋口，我帶左幾包 pocket size tempo 去厠所用，都 work，就唔使嘥咁多 m巾，厨紙我反而諗唔掂點拎咁大卷入院/入厠所。又 btw 有blogger 教帶消毒濕紙巾抺厠所板，我都有帶。
尿片同柔濕巾會o係你 BB 架車你度出現返，真係俾返你個 BB 用o既。
大毛巾 & BB 羊毛㡳衫
我估以前真係要帶大毛巾，而家 BB 所有住院時著嘅都係醫院衫（ 連睡袋都有），出院時叫屋企人帶衫俾BB出院就得，所以唔會問你攞 BB羊毛老底。
除非你需要大毛巾 for 你自沖涼，如果唔係，一條大毛巾都唔需要。
解悶物品 -- 可有可無
我本來都帶左一本書諗住等生時同生左後如果好悶都有 d 野做下，點知o係產前房好快就落左產房，所以期間電話都已經夠解悶，而生左之後，係覺得需要訓覺多過一切，所以亦都冇「解悶」o既必要。
後話
其實走佬袋真係可以好 minimal，視乎你點執同你有咩要求。重點係一生完根本都未落得床，傷口亦超痛，郁唔倒，根本攞唔倒走佬袋入面o既野 (因為阿姐幫你塞左入床頭櫃)。之後爭 d 咩都可以叫屋企人探病時拎黎，反而當你自己一個落產房時可能要自己拎，生完之後 d 袋都係放o係你張輪床度推上房，如果你有好多袋，張輪床就會唔夠位訓自己
更新 -- 今日去覆診，突然諗起要喺呢篇都提下︰如果老公 (or 其他屋企人) 諗住入產房陪產，注意要自備口罩！佢喺單張上面冇提過要自備，結果我老公上左嚟產房先話唔俾入，佢要再撲落7-11買
2013年2月7日 星期四
一個月大返健康院打針
頭先本來打左好長一篇，點知唔知係個個 safari 傻左定係 yahoo 夠鐘 logout 左我，成篇冇晒... 唯有算啦，反正都係湊唔掂小小嗰 D 唔開心野。
琴日返左健康院打針，姑娘做左個簡單嘅成長評估，但係點解佢淨係喺自己本簿度畫佢個生長圖，冇話返我知嘅？
今次呢枝係乙型肝炎第二針，要阿媽捉住BB大脾俾姑娘拮針，老公仲好搞笑咁喺拮針嗰下遮住小小嘅視線唔俾佢望。小小只係一拮針嗰下猛力咁喊左一聲，隨即就冷靜返，神奇。
不過夜晚佢就癲左喇，由9點嗰餐奶之後就一直癲左咁喊，又唔俾我掃風，抱又唔理，食又唔係太落力，老公又去左上堂得返我自已抱住佢，搞到兩點先肯訓，後來凌晨5點我係完全起唔倒身餵奶，而佢唔知係真係冇叫定係我聽唔倒...
琴日返左健康院打針，姑娘做左個簡單嘅成長評估，但係點解佢淨係喺自己本簿度畫佢個生長圖，冇話返我知嘅？
今次呢枝係乙型肝炎第二針，要阿媽捉住BB大脾俾姑娘拮針，老公仲好搞笑咁喺拮針嗰下遮住小小嘅視線唔俾佢望。小小只係一拮針嗰下猛力咁喊左一聲，隨即就冷靜返，神奇。
不過夜晚佢就癲左喇，由9點嗰餐奶之後就一直癲左咁喊，又唔俾我掃風，抱又唔理，食又唔係太落力，老公又去左上堂得返我自已抱住佢，搞到兩點先肯訓，後來凌晨5點我係完全起唔倒身餵奶，而佢唔知係真係冇叫定係我聽唔倒...
2013年2月5日 星期二
風疹好了，但小小唔食又唔訓
上次講話喺小小兩三個禮拜大時我出嘅風疹，今日開始好喇，一開始時病發嘅手臂位置可以話已經好左9成9喇，後出嘅頸同腋下位都仲有少少痕，最後發嘅大脾都冇之前咁痕喇，感恩。
前兩日小小已經唔係好肯訓，但同時發現佢打卡介苗個針位似發炎，不過掂落去佢又冇反應，睇黎佢唔覺得痛。呢兩日佢唔係好食，尤其是今朝，佢醒左之後係咁喊但俾佢食佢又啜兩啖就停，最後係好辛苦暗倒佢訓覺，訓醒之後2點半嗰餐先正常返D。食緊奶嘅時候，我又裝下佢個卡介苗位，今日變左綠色膿，但掂落去佢又冇反應，諗住冇事啦。沖涼時我都有就住唔捉嗰個手臂位，點知！抺身時毛巾上面一pat嘢，再搵清楚原來個膿泡爆左!!! 我即刻勁驚大叫，問老公使唔使即刻落樓下俾醫生睇，點知老公竟然好醒咁即刻打去健康院，而健康院竟然又答佢，健康院話唔好特登 jit 清 D 膿，唔使特登包住，而咁啱我地聽日返去打針，叫我地聽日再俾醫生睇下。
之後嘅情形係，其實唔使特登 jit D 膿後來都自己流晒出黎，流左好多.... 唔知聽日醫生會做 d 咩呢？（又或者應該講，其實聽日醫生仲會唔會做野呢？）
0m,
打針
前兩日小小已經唔係好肯訓，但同時發現佢打卡介苗個針位似發炎，不過掂落去佢又冇反應，睇黎佢唔覺得痛。呢兩日佢唔係好食，尤其是今朝，佢醒左之後係咁喊但俾佢食佢又啜兩啖就停，最後係好辛苦暗倒佢訓覺，訓醒之後2點半嗰餐先正常返D。食緊奶嘅時候，我又裝下佢個卡介苗位，今日變左綠色膿，但掂落去佢又冇反應，諗住冇事啦。沖涼時我都有就住唔捉嗰個手臂位，點知！抺身時毛巾上面一pat嘢，再搵清楚原來個膿泡爆左!!! 我即刻勁驚大叫，問老公使唔使即刻落樓下俾醫生睇，點知老公竟然好醒咁即刻打去健康院，而健康院竟然又答佢，健康院話唔好特登 jit 清 D 膿，唔使特登包住，而咁啱我地聽日返去打針，叫我地聽日再俾醫生睇下。
之後嘅情形係，其實唔使特登 jit D 膿後來都自己流晒出黎，流左好多.... 唔知聽日醫生會做 d 咩呢？（又或者應該講，其實聽日醫生仲會唔會做野呢？）
2013年2月3日 星期日
2013年2月2日 星期六
上天所造，但人自有對策？
經過琴日「任訓」搞到一日只係食左5餐，同埋夜奶之後唔肯訓卒之暗左兩個鐘先訓，今日又試行新措施。
雖然琴晚夜奶喺3:15就餵，但因為佢5:15先肯訓搞到我今朝唔願起身，都拖倒去返平時8:30先食天光第一餐。本來諗住今日試下行三個半鐘，閃番多少少時間食多餐但又可以俾佢訓倒就訓，點知佢11:30即係三個鐘就醒左，好啦，你自己揀架，以後就行三個鐘cycle啦。
但今餐我有少少餵得膽顫心驚，事緣琴日定前日開始我局佢食晒兩邊，因為不嬲都知佢要中場休息，但以前我會俾返同一邊佢，因為我成日以為冇貨佢係會投訴，但因為琴日有谷奶感覺，所以我覺得應該係佢都要食多D （可能佢之前一路都食唔夠所以唔肯訓？所以琴日下下都訓到去四個鐘cycle?）。但8:30嗰餐佢只係食左一邊就唔食，所以我另一邊等到11點時已經勁谷，我本來想等佢醒時俾佢食，但諗諗下：唔係喎，咁佢真係食少左一次，會唔會身體以為唔需要，即時回奶架？於是我決定就算唔開泵唔留都手搾出黎。原來當好谷時，只係按下硬塊，都未搾，就已經有噴，雖然感覺未搾清都有 2oz, pleased ^^
點知，就喺牻暗爽緊嘅時候，小小竟然醒左?!?! 佢仲要一醒就喪喊，似係要食啦，但我啱啱搾晒喎！呢個時候唯有相信姑娘話人奶係長啜長有啦（咁又點存在窮媽媽呢，矛盾... ?_?）
~ ~ ~
講返正題
頭先食完奶小小都唔係好想訓，我抱左佢一排，又掃過風，sure 佢應該唔係有風所以訓唔倒，我就同佢講：咁你自己訓床啦，媽媽要食飯啦。放落床冇幾耐佢當然係開始叫兩聲想喊啦，咁都應該係心情訴求而唔係生理訴求，我呢刻就決定又試下由得佢喊。行去同佢講左兩次「冇喇，自己訓啦」同埋搖頭，喺佢靜左時又走去同佢講「係喇，自己訓啦」同埋點頭。今次佢竟然好合作，真係喊左十多分鐘就自己訓左，我嗰刻仲好高興，覺得「原來我小小都得」（後話；但佢訓左唔夠一個鐘就醒返）
但此時我不禁諗，如果上帝/神造此物時，既然設計左BB會因為要別人嘅關注而喊，點解我地會要用意志去叫自己唔好理一個喊緊嘅BB呢？
雖然琴晚夜奶喺3:15就餵，但因為佢5:15先肯訓搞到我今朝唔願起身，都拖倒去返平時8:30先食天光第一餐。本來諗住今日試下行三個半鐘，閃番多少少時間食多餐但又可以俾佢訓倒就訓，點知佢11:30即係三個鐘就醒左，好啦，你自己揀架，以後就行三個鐘cycle啦。
但今餐我有少少餵得膽顫心驚，事緣琴日定前日開始我局佢食晒兩邊，因為不嬲都知佢要中場休息，但以前我會俾返同一邊佢，因為我成日以為冇貨佢係會投訴，但因為琴日有谷奶感覺，所以我覺得應該係佢都要食多D （可能佢之前一路都食唔夠所以唔肯訓？所以琴日下下都訓到去四個鐘cycle?）。但8:30嗰餐佢只係食左一邊就唔食，所以我另一邊等到11點時已經勁谷，我本來想等佢醒時俾佢食，但諗諗下：唔係喎，咁佢真係食少左一次，會唔會身體以為唔需要，即時回奶架？於是我決定就算唔開泵唔留都手搾出黎。原來當好谷時，只係按下硬塊，都未搾，就已經有噴，雖然感覺未搾清都有 2oz, pleased ^^
點知，就喺牻暗爽緊嘅時候，小小竟然醒左?!?! 佢仲要一醒就喪喊，似係要食啦，但我啱啱搾晒喎！呢個時候唯有相信姑娘話人奶係長啜長有啦（咁又點存在窮媽媽呢，矛盾... ?_?）
~ ~ ~
講返正題
頭先食完奶小小都唔係好想訓，我抱左佢一排，又掃過風，sure 佢應該唔係有風所以訓唔倒，我就同佢講：咁你自己訓床啦，媽媽要食飯啦。放落床冇幾耐佢當然係開始叫兩聲想喊啦，咁都應該係心情訴求而唔係生理訴求，我呢刻就決定又試下由得佢喊。行去同佢講左兩次「冇喇，自己訓啦」同埋搖頭，喺佢靜左時又走去同佢講「係喇，自己訓啦」同埋點頭。今次佢竟然好合作，真係喊左十多分鐘就自己訓左，我嗰刻仲好高興，覺得「原來我小小都得」（後話；但佢訓左唔夠一個鐘就醒返）
但此時我不禁諗，如果上帝/神造此物時，既然設計左BB會因為要別人嘅關注而喊，點解我地會要用意志去叫自己唔好理一個喊緊嘅BB呢？
2013年2月1日 星期五
應該訓覺定食奶呢？
小小真係... 每日都令人擔心同不知所措。
頭兩個禮拜唔夠重，要追餐，兩個鐘頭叫醒一次食奶。
追倒磅數之後，想建立時間表，日頭兩個半鐘一餐，但佢往往食奶起計兩個鐘先肯訓，所以次次訓得半個鐘。
前幾日，日頭死唔肯訓。有一日直情成日可以話係冇訓過，只有幾分鐘的小睡，最激心係嗰日佢可以連夜晚都唔係點訓。
琴日見完姑娘話佢訓倒就俾佢訓多d，唔超過四個鐘都可以唔使特登叫醒，結果今日食奶時間係：
琴晚2220
今日
0500（仲要係我摷醒佢嘅）
0930
1330
到而家1730都未醒
今日到目前為止先食得三餐，今日可能只會食倒六餐？仲要我唔多奶，唔係一餐俾緊6oz佢喎... 點好呢...
頭兩個禮拜唔夠重，要追餐，兩個鐘頭叫醒一次食奶。
追倒磅數之後，想建立時間表，日頭兩個半鐘一餐，但佢往往食奶起計兩個鐘先肯訓，所以次次訓得半個鐘。
前幾日，日頭死唔肯訓。有一日直情成日可以話係冇訓過，只有幾分鐘的小睡，最激心係嗰日佢可以連夜晚都唔係點訓。
琴日見完姑娘話佢訓倒就俾佢訓多d，唔超過四個鐘都可以唔使特登叫醒，結果今日食奶時間係：
琴晚2220
今日
0500（仲要係我摷醒佢嘅）
0930
1330
到而家1730都未醒
今日到目前為止先食得三餐，今日可能只會食倒六餐？仲要我唔多奶，唔係一餐俾緊6oz佢喎... 點好呢...
訂閱：
文章 (Atom)