一個月大返健康院打針

頭先本來打左好長一篇，點知唔知係個個 safari 傻左定係 yahoo 夠鐘 logout 左我，成篇冇晒... 唯有算啦，反正都係湊唔掂小小嗰 D 唔開心野。

琴日返左健康院打針，姑娘做左個簡單嘅成長評估，但係點解佢淨係喺自己本簿度畫佢個生長圖，冇話返我知嘅？

今次呢枝係乙型肝炎第二針，要阿媽捉住BB大脾俾姑娘拮針，老公仲好搞笑咁喺拮針嗰下遮住小小嘅視線唔俾佢望。小小只係一拮針嗰下猛力咁喊左一聲，隨即就冷靜返，神奇。

不過夜晚佢就癲左喇，由9點嗰餐奶之後就一直癲左咁喊，又唔俾我掃風，抱又唔理，食又唔係太落力，老公又去左上堂得返我自已抱住佢，搞到兩點先肯訓，後來凌晨5點我係完全起唔倒身餵奶，而佢唔知係真係冇叫定係我聽唔倒...

 

• 1m, 
• 健康院, 
• 打針