七個月BB / 病病

8月2日，月齡七個月o既BB以發燒黎慶祝。

婆婆話朝早拎佢過去時已經覺得佢有 d 熱，以為係嫲嫲朝早抱住o既體溫未散，返到去冇平時朝早食咁多奶，下午亦唔係好肯食糊仔，以為佢唔想食糊仔所以開左 4oz 奶俾佢，都係唔食，探熱就探到有時 37度幾有時 38度幾，因為我媽唔係好識用支電子探熱針所以都冇辦法由支探熱針去確定佢係唔係發燒。

我媽話佢全日都悶悶不樂咁，所以整日都用揹帶揹住佢o係身，平時一上揹帶小小會以為出街會好興奮，但呢日佢就算上左揹帶都冇特別興奮，不過我媽話好在佢唔算好唔精神。

傍晚放低佢去煮飯，o係我媽諗緊「呀，點解今日咁順攤，放低都唔叫o既呢?」o既時候，原來小小BB默默咁o係床仔度嘔到一身都係，嘔出黎o既似痰咁o既質地。

到我返到去，小小都有好開心咁係咁食係咁食，食左一輪之後，坐坐下突然一聲咁就嘔左勁多出黎，多到令人疑惑乜佢個胃可以裝得落咁多o既咩，於是又換一件衫，換到成盆都係污糟衫。

返屋企 (嫲嫲o個邊)，放低俾嫲嫲玩之前已經 warn 左佢 BB 隨時會嘔，叫佢唔怕先好抱 (呢個嫲嫲係當抱住個孫而個孫奇屎事係會即刻拎開佢隊返俾我地的)，點知當小小嘔時，嫲嫲又係將小小成個人向後 (即係唔想倒出黎o既反射動作)，我即刻抱返小小，再同佢換衫，呢一啖唔算嘔左好多。我叫老公用張換片墊舖住張床，以免佢今晚o係床嘔的話嘔污糟張竹蓆。小小果然係識五進制，再食奶時，我同佢講︰「今日星期五，你慢慢食啦，食唔夠就今晚再食啦」。到今日我已經唔記得當時有冇暗倒佢訓，只係記得兩點半醒左摸倒佢好興，同佢再食多兩啖奶，跟住抱直佢等佢落格 (平時如果佢食住訓我通常都就咁放低佢)，抱左一輪都冇發生咩事其實我想偷懶放返佢落床我自己去訓架喇，但因為未夠30分鐘 (平時話食完奶要抱直 BB 30 分鐘唔好即刻訓平)，所以我同自己講「好啦，抱到搭三啦」，好彩我有咁堅持，就o係我咁樣同自己講完之後冇幾耐，小小一下怪聲，當時唔知點解我好醒即刻俾佢烏前，結果o個下佢真係嘔，但因為烏前左，所以只嘔倒我隻手，其餘都落晒地。我諗住企多一陣等佢訓著晒我就放佢落床跟住抹地，呢個時候嫲嫲醒左，咁我就叫佢俾兩格厠紙我等我抹左手o個 d 嘔唔好再整倒 bb 件衫啦，點知嫲嫲就企o係我前面，咁我就叫佢唔好企o個度廢事佢踩倒啦，點知佢一聽倒地下有嘔佢即刻走去抹，我即刻火黎，鬧左佢入房。小小真係好唔舒服喇，平時我地咁樣鬧交佢會喊，呢刻佢又迷迷糊糊咁訓返。

我老公當然o係聽倒我鬧o既時候就醒左啦，佢就安撫左佢媽入返房訓。我話小小成晚好興，我感覺佢好似訓唔倒，於是老公就落左去 7-11 買退熱貼，但原來退熱貼係唔可以貼落頭痛度的，所以叫做有 d 頭髮o既小小用唔倒成人貼，就唯有繼續抱住佢訓啦。

第二朝(星期日)小小都有咁上下時間就醒食奶，探熱都仲係39度幾。我諗住如果燒到40就要去睇醫生喇，但接近中午佢竟然慢慢退左燒，於是我地就照出左去街，夜晚同婆婆食飯慶祝生日，但佢一上車就訓著左，去到餐廳一醒就食奶，又食住訓著左，一路訓，訓到返屋企。返到屋企諗住放佢落床，點知一放佢落床就喊醒左，咁就俾嫲嫲抱住我去沖涼啦，點知佢個樣喊到好傷心，咁又抱返佢睇下咩事啦，點知原來佢係勁眼訓，一上我手又訓返著，於是我放佢落大床然後拿拿聲去沖涼。之後同佢換返件衫，著返夾手，佢都係冇醒，半晚食左一次奶一覺訓到第二朝(星期一)又正常返。

放工返到去問我媽小小有冇唔正常，我媽話佢乜事都冇，o個刻我同我媽講，嘩，只能夠話人奶真係好勁，咩都冇做又好返左。



(後記︰本來想即刻寫低呢兩日病病發生o既事，因為原來抱住個熱水壺係真係可以好擔心，只能夠不斷提醒自己只能留意觀察唔好太緊張。小小又發揮佢5+2進制，用一個 weekend cool 住我，然後又放我返工，佢真係好 funny
---寫到8月12日呢個星期一先寫完，中間原來好多細節都唔記得了...)

 

• 7m