食左太多紅蘿蔔 :P

琴日(星期日)成朝小小都冤聲冤氣，食完早上第一餐奶之後一路都唔俾放低，又唔俾第二個抱，連爸爸都唔俾，一定要我抱。到我終於要放低佢去厠所時，我o係度諗，唔通琴晚個湯真係有問題??

事緣前一日(星期六)一早出左街飲茶，主要係一齊去睇舅父仔剛買o既新樓，同埋去拜四角，之後返左(嫲嫲)屋企泵奶(呢個後話)，再返過去婆婆度食晚飯。因為呢日出左街冇食糊仔，婆婆就建議俾 d 煲湯紅蘿蔔佢食下。我一路都想俾米糊以外o既野小小食下，但自己冇(時間)整，婆婆則覺得太早，所以呢日難得婆婆建議，d 紅蘿蔔亦真係煲到好林，於是夾左整整兩塊整爛餵小小食，食下食下，話唔食最後都差唔多食得晒。

食完小小扭眼訓，暗左佢訓我地繼續食飯，到九點小小自動波醒左，婆婆即刻叫我地起程返屋企(因為已經踏入農曆七月喇)。搭 lift 時小小又試係咁R面，同 lift o既叔叔話叫幫佢抹下面，佢話梗係痕先會 R 啦，小小越R越起勁，R到塊面開始紅，我個心突然驚一驚，唔通湯入面 d 魚或者其他野小小敏感??? 返到屋企即刻幫小小抹面同抹雪花膏，冇再紅同R喇。

冤到中午時，見佢皮膚冇野即係應該唔係食物敏感啦。突然又諗起 -- 係喎健康院本書仔係話每次試一樣新野，每次食一兩匙，觀察冇事先繼續食，係喎!!!! 我做乜發神經整左成 oz 咁多紅蘿蔔佢食呢?!!! 可能食太多 ung 住個胃喎!!! 成朝都唔肯訓，就早早地過去婆婆倒沖涼啦。我地又o係度討論佢未疴屎，我成日話佢而家係兩日先疴一次，沖完涼、食埋奶，食左整整六安半!!! (平時都係六安樽飲剩d，呢次六安半樽飲到一滴都冇剩)，再拍訓覺，點知老公拍拍下拍出一大泡屎。開出黎，真係成餐紅蘿蔔!!!! 辛苦你喇小小，sorry monkey 大肚臍 :P 冇事 lu

後話
呢排右邊胸塞塞地，又食返卵磷脂，再加上可能之前太塞所以小小啜唔倒仲啜損左，所以琴日決定樽餵多一餐然後泵多一次俾損位休息下。谷到五點幾泵出六安幾，但最頂引o既，係右邊鬆左好多，但好似到左邊實左..... -_-"

 

• 7m