2014/1/1 @ 佐敦谷公園

小小聽日就一歲生日喇，之前都唔覺，但呢刻咁樣講時，忽然覺得有好大唔同。 bb，原來咁快就捱到你一歲喇。

今日同小小去左傳說中嘅佐敦谷公園。呢幾日開始積極鼓勵佢邁步走，短短幾日已經由最初唔係好知隻腳提起之後點向前，到今日好大步好大步咁好快就可以行到好遠（當然仍然要有人傍住，未能自己獨自企穩）。

雖然有d野可能比其他呢代嘅bb慢，但我地只需要睇小小自己鍾意嘅進度，同埋大家幾時 ready 啫。