真係窮媽了...

前日本來o係公司打左成段，點知自己 close 左個 ie 冇晒。
點解o係公司都忍唔住要打成段，因為前日冇帶到摩打返工.... 結果要用手
因為我成日射斜晒，而且呢排少左奶，所以一滴都唔可以浪費 (而且，唔想射污糟地方之餘更加唔想益左張地氈) ，於是我全程90度躹躬塞個乳頭入個樽口度搾奶，搾到我暈。
因為呢排已經少左奶o既關，就算辛苦我都要搾到一餐先可以停手，搾到4oz時，同自己講︰4oz半啦，到喇；搾到4安半時，同自己講︰5oz啦，5安穩陣 D。
於是，就有呢好辛苦O既5oz 喇。

琴日 lunch time，好似都係得 5oz。
以前 lunch time 泵奶時，機泵到尾都仲可以用手搾得出噴幾下先滴滴，清埋佢。

呢兩日... 用手時已經唔噴，差唔多係滴都唔滴多下.....
以前，o係公司通常都可以帶倒6oz返屋企，幫補下夜晚泵o個次足2餐...
今日... 得3oz幾... 4oz都唔夠.....

真係變左窮媽了.....