經過了讓人沮喪的一星期，呢兩日奶量終於有回升了! 上星期最低試過得返3安半，連一餐都唔夠，又覺得好似個胸泵都尾都仲係好厚實，於是由平日久唔久先食一粒卵鱗脂，到日日都食一粒，希望真係只係塞塞地，而唔係奶量跌左，上個禮拜有兩日有 d 血絲，亦希望只係 bk jm 所講 m 到奶量跌。
呢兩日 follow 緊一個台灣爸爸o既 fb community 叫「替珊迪媽咪&悅寧妹妹祈福」，妹妹後來改左名叫昕樺，媽媽則改名叫宜珊。媽媽o係生產前兩日因為羊水栓塞昏迷，妹妹亦因而缺氧，至今仍處於意識不清 (爸爸說不喜歡用昏迷這字眼)。
爸爸詳細的紀錄每天妹妹的狀況和自己的心情，有時如果媽媽有大起色也會報一下，在特別的日子，爸爸會post去年今日，久不久也有哥哥小靖的生活。妹妹現在五個多月了，爸爸一直抱持著希望，天天努力。
呢個 page 係我一個中學同學 like 左同 comment 左所以俾我見倒，朋友bb而家9個月大。以前我唔會特登睇呢 d post，但而家睇呢個 page，因為自己都日日抱住一個幾個月大o既小bb，會好感受到佢係經歷緊咩一件事。
前晚(星期日)臨訓前，我同老公講，聽日星期一喇，又返工喇，希望呢個禮拜 d 奶返黎啦，老公叫我放鬆 d 啦。琴日(星期一) lunch time 泵奶時，眼見 d 奶出得唔錯，泵奶前後又急到要1撲入厠所，o個刻我o係度諗︰我地呢d小小o既人奶路同沁尿又何足掛齒呢。
呢兩日抱住小小餵奶時，都希望昕樺妹妹可以快 d 好似其他小 baby 一樣，會哭、會笑、可以喝母乳。而且我同小小講，你要加油呀，好好食，讓媽媽可以有更多奶餵你。我地生出一個健健康康，齊整無缺o既小朋友，真係好感恩同好幸福
沒有留言:
張貼留言