自從 yahoo 話要摺埋之後，冇晒心機，加上工作忙，好耐冇寫 blog，但冇寫 blog 呢排小小練成左好多新野，唔寫低怕會唔記得原來爸爸媽媽曾經覺得小小咁叻。
企
話說8個月小小突然間扶住床欄企左起身之後，o係滿9個月人前已經練成左隨時可以扶住企倒起身，包括有一次婆婆話放左佢o係房之後發現佢扶住舅父床尾企左起身之餘仲行左兩步由個櫃邊行到去床角，當時大家都覺得好 amazing!!
由於佢已經可以用蠕動前進倒o既關係 (仲未認真識爬)，有一次婆婆放左佢o係房訓 (訓地下)，之後出左廳/厨房做野，突然聽倒佢叫，入房睇下，小小已經蠕動左成個床位，去到床房o個度扶住個膠衣箱起左身。 (外話 : 婆婆覆述俾我聽時，繪聲繪影咁話因為個衣箱冇絛邊俾小小 wear 住，只可以[手禁]住，所以小小企倒起身坐唔返低，由扶住個衣箱企左o係度一個好慘o既表情咁叫，o個刻真係好心 up，完全 feel 倒佢當刻覺得好無助)
再，上一篇 blog 寫左，有一晚佢未天光企左起身。而家佢企高坐返低已經係冇難度，最緊要有野扶住。
扔物件
其實小小係未識拋的，但佢由兩三個禮拜前開始會o係床度執起玩具，再伸手出床外面，然後放手，呢一段時間都未知佢係覺得掉野好玩定係點。琴晚放工返到婆婆度，循例先去洗手，見時間尚早，洗完手諗住仲飲埋碗湯先抱佢，點知佢望住我然後執起雪花膏盅掉出黎，好明顯係掉俾我睇，，仲有少少拋物線，我仲同佢講「咩喎~ 飲埋碗湯先之嘛~」。睇黎正式進入尋回犬時期喇 (我地大人係尋回犬)，好野~
2013年10月21日 星期一
歷史博物館
之前搭巴士時 roadshow 話拖左架舊巴士出去尖沙咀歷史博物館做巴士80年歷史展覽，而且只係o係大堂展，唔使入場費，所以一直都諗住當個藉口出去尖沙咀睇下。琴日去左 hku，就諗住回程時搭 973 去尖沙咀，雖然最終都係搭船過海，但最終都係有去睇展覽。前一日已經 casual 問過契媽都有興趣，於是o係尖沙咀會合先食個 tea。
呢日小小唔係好好胃口，今日o既粥爸爸特登落左豬肉，可能小小暫時都仲未係好接受倒太鞋口o既食物，中午已經食得唔算太多，五點呢餐都係 (但而家諗返，可能對比婆婆平時o既份量己經係正常份量)。
去到歷史博物館，好失望呀! 原來架真巴士已經走左，契媽話之前佢都有黎過，當時係有架巴士o係露天廣場的，見唔倒巴士，再加上我整日都o係到不停打 hatchi 流鼻水，搞到我本來係想出黎同小小映下相都冇晒意慾。
9個半月的小小
自己9個月以黎，感覺上好似多左街上o既人問佢幾大，爸爸成日都話佢就黎10個月，我則好「八卦」地成日都話「未~ 9個幾月je~」，唔知點解唔想講大，硬係覺得唔係幾好 (啋~)
最近佢會有意識地揮手，上個 weekend 我記得攞健康院本簿仔出黎 mark 低佢識 "wave byebye"，但佢唔一定即時會意要揮手，好多時撩佢揮手 hello 或 byebye，佢都係慢三拍，我地成日話佢係 IE (internet explorer, 相對其他 brower 係慢三拍 ^^)，有時佢又會冇端端自己一路行 (當然係我地抱住或揹住佢行) 一路笑住揮手，我話佢以為自己係香港小姐。
最近婆婆話我知佢下午同小小訓晏覺時係由佢o係房玩來玩去，佢玩得太遠就稱佢返落床墊訓低，佢又會再爬起身玩來玩去，玩玩下就會訓著。前日星期六我試左，前提當然係你自己要訓o係度扮訓左先，佢又爬又企玩左成個鐘，到有一次稱返佢訓低時，佢真係冇再 gut 起身，然後拍下拍下佢就訓著左，訓左兩個鐘，中間醒左一次，拍兩下又訓得返。
琴晚爸爸玩完兩日冇工作過，所以夜晚返到去差唔多係要通宵工作咁濟，本來佢見我唔舒服就話佢暗訓同洗泵，但我又點忍心呢，所以我放左小小o係床度睇下可唔可以好似下午咁自己訓著 (因為睇得出佢已經好眼訓)，泵就留返俾爸爸洗。結果小小真係玩玩下訓著左，雖然臨訓著時佢係好想坐起身但唔夠力。成功!
突然感性
打著這段文字的時候，一個想法突然浮現︰大個人臨睡前都會躺好在床上，為何小BB明明得累了卻仍然想坐起身？只是太累了再倒下去？是否對於小BB來說，生命實在太短暫了，今日唔知聽日事，可能不知道睡著後天亮了仍然可以見到身邊的人？
呢日小小唔係好好胃口，今日o既粥爸爸特登落左豬肉，可能小小暫時都仲未係好接受倒太鞋口o既食物，中午已經食得唔算太多，五點呢餐都係 (但而家諗返，可能對比婆婆平時o既份量己經係正常份量)。
去到歷史博物館，好失望呀! 原來架真巴士已經走左，契媽話之前佢都有黎過，當時係有架巴士o係露天廣場的，見唔倒巴士，再加上我整日都o係到不停打 hatchi 流鼻水，搞到我本來係想出黎同小小映下相都冇晒意慾。
9個半月的小小
自己9個月以黎，感覺上好似多左街上o既人問佢幾大，爸爸成日都話佢就黎10個月，我則好「八卦」地成日都話「未~ 9個幾月je~」，唔知點解唔想講大，硬係覺得唔係幾好 (啋~)
最近佢會有意識地揮手，上個 weekend 我記得攞健康院本簿仔出黎 mark 低佢識 "wave byebye"，但佢唔一定即時會意要揮手，好多時撩佢揮手 hello 或 byebye，佢都係慢三拍，我地成日話佢係 IE (internet explorer, 相對其他 brower 係慢三拍 ^^)，有時佢又會冇端端自己一路行 (當然係我地抱住或揹住佢行) 一路笑住揮手，我話佢以為自己係香港小姐。
最近婆婆話我知佢下午同小小訓晏覺時係由佢o係房玩來玩去，佢玩得太遠就稱佢返落床墊訓低，佢又會再爬起身玩來玩去，玩玩下就會訓著。前日星期六我試左，前提當然係你自己要訓o係度扮訓左先，佢又爬又企玩左成個鐘，到有一次稱返佢訓低時，佢真係冇再 gut 起身，然後拍下拍下佢就訓著左，訓左兩個鐘，中間醒左一次，拍兩下又訓得返。
琴晚爸爸玩完兩日冇工作過，所以夜晚返到去差唔多係要通宵工作咁濟，本來佢見我唔舒服就話佢暗訓同洗泵，但我又點忍心呢，所以我放左小小o係床度睇下可唔可以好似下午咁自己訓著 (因為睇得出佢已經好眼訓)，泵就留返俾爸爸洗。結果小小真係玩玩下訓著左，雖然臨訓著時佢係好想坐起身但唔夠力。成功!
突然感性
打著這段文字的時候，一個想法突然浮現︰大個人臨睡前都會躺好在床上，為何小BB明明得累了卻仍然想坐起身？只是太累了再倒下去？是否對於小BB來說，生命實在太短暫了，今日唔知聽日事，可能不知道睡著後天亮了仍然可以見到身邊的人？
2013年10月10日 星期四
半夜企起身
星期一公司有事要好夜先收得工，一知道o既時候已經勁擔心勁擔心唔知點算，因為未試過夜晚唔o係小小身邊，更加唔知點樣o係公司泵多一次奶、放o係邊、同咁多奶點拎返屋企。....
因為咁，我同老公討論左好多日，終於黎到星期日，即係第二日就係呢個「星期一」喇。
半夜又醒左，呢排唔知點解成日半夜醒左就訓唔番，keep 住醒下訓下直至夠鐘起身泵奶。o係張床度典典下之時，久唔久都會聽倒小小o既轉身聲或者叫聲，以前會好緊張即刻起身去睇下佢，後來知道有時其實佢叫一聲之後冇醒左的，就開始唔郁住聽清楚先決定，但今次我聽倒 d 唔尋常o既聲，於是我即刻坐起身，一睇，原來佢真係企左起身，頭先聽倒o個 d 喇喇聲係佢攀住床欄起身o既聲，我即刻走過去問佢「咩事呀?」，佢好冷靜，又冇叫，但雙眼醒晒亮晶晶望住我，我抱起佢，其時係五點鐘左右，拍左一排，佢雙眼都仲係亮晶晶望住我，又冇叫，又冇喊，又唔似肚餓口乾要食奶，所以我亦都冇俾佢食奶，試下佢會唔會訓返。
抱左佢好，佢都係亮晶晶但好乖，於是我決定放返佢落床，由於已經五點幾，所以就索性泵奶 (平時5點9起身泵奶)，小小之後自己仲係o係床，坐起身再企左起身，但佢一直都好乖冇叫。由於我仲想試下佢會唔會訓得番，所以我只係閂左少少門等 d 燈唔好直射入房但如果佢喊我都可以聽倒。泵奶期間，我有熄泵過佢房門裝佢，佢都仲係扶住張床o係度行來行去，我就繼續泵咁 d 奶先 (如果唔係驚o個日我唔o係屋企佢會唔夠奶食)，差唔多半個鐘之後，泵完喇，佢一直都靜靜地自己一個o係房 (當然仲有熟睡o個爸爸)，我沖埋個泵，再放埋奶樽開蒸機，先至過去門口裝佢，佢靜靜地企o係床邊，望下呢邊、望下o個邊，冇嘈。於是我入去抱起佢，問佢 「你今朝做咩呀? 咁早起身o既? 知我今日要夜返呀?」
o個日成日心掛掛，諗起好多野，諗起過左身o既我爸爸 (即係小小o既外公)，諗起自己同媽媽 (即係小小婆婆) 發生過o既小事，自己搭緊車時眼淚留出黎。
夜晚返到屋企，好彩小小已經訓左，我哄落去望住佢，好攰但小小真係好得意。第二朝正常起身、泵奶，小小遲左少少醒，佢一醒我即刻抱起佢，問佢「早晨呀，掛唔掛住媽媽呀? 媽媽好掛住你呀! 你琴日好叻喎，爸爸話你食晒成碗粥喎」，食完奶又好乖地訓左。
原來，真係要唔見倒佢一排先會知道自己係幾咁掛住佢。到星期二晚返放工如常返婆婆度接佢時，我不停咁同佢講，「點解唔見一日你就高左o既? 你琴日同今日有冇乖呀?」等等等等等。哈哈哈，真係好搞笑
因為咁，我同老公討論左好多日，終於黎到星期日，即係第二日就係呢個「星期一」喇。
半夜又醒左，呢排唔知點解成日半夜醒左就訓唔番，keep 住醒下訓下直至夠鐘起身泵奶。o係張床度典典下之時，久唔久都會聽倒小小o既轉身聲或者叫聲，以前會好緊張即刻起身去睇下佢，後來知道有時其實佢叫一聲之後冇醒左的，就開始唔郁住聽清楚先決定，但今次我聽倒 d 唔尋常o既聲，於是我即刻坐起身，一睇，原來佢真係企左起身，頭先聽倒o個 d 喇喇聲係佢攀住床欄起身o既聲，我即刻走過去問佢「咩事呀?」，佢好冷靜，又冇叫，但雙眼醒晒亮晶晶望住我，我抱起佢，其時係五點鐘左右，拍左一排，佢雙眼都仲係亮晶晶望住我，又冇叫，又冇喊，又唔似肚餓口乾要食奶，所以我亦都冇俾佢食奶，試下佢會唔會訓返。
抱左佢好，佢都係亮晶晶但好乖，於是我決定放返佢落床，由於已經五點幾，所以就索性泵奶 (平時5點9起身泵奶)，小小之後自己仲係o係床，坐起身再企左起身，但佢一直都好乖冇叫。由於我仲想試下佢會唔會訓得番，所以我只係閂左少少門等 d 燈唔好直射入房但如果佢喊我都可以聽倒。泵奶期間，我有熄泵過佢房門裝佢，佢都仲係扶住張床o係度行來行去，我就繼續泵咁 d 奶先 (如果唔係驚o個日我唔o係屋企佢會唔夠奶食)，差唔多半個鐘之後，泵完喇，佢一直都靜靜地自己一個o係房 (當然仲有熟睡o個爸爸)，我沖埋個泵，再放埋奶樽開蒸機，先至過去門口裝佢，佢靜靜地企o係床邊，望下呢邊、望下o個邊，冇嘈。於是我入去抱起佢，問佢 「你今朝做咩呀? 咁早起身o既? 知我今日要夜返呀?」
o個日成日心掛掛，諗起好多野，諗起過左身o既我爸爸 (即係小小o既外公)，諗起自己同媽媽 (即係小小婆婆) 發生過o既小事，自己搭緊車時眼淚留出黎。
夜晚返到屋企，好彩小小已經訓左，我哄落去望住佢，好攰但小小真係好得意。第二朝正常起身、泵奶，小小遲左少少醒，佢一醒我即刻抱起佢，問佢「早晨呀，掛唔掛住媽媽呀? 媽媽好掛住你呀! 你琴日好叻喎，爸爸話你食晒成碗粥喎」，食完奶又好乖地訓左。
原來，真係要唔見倒佢一排先會知道自己係幾咁掛住佢。到星期二晚返放工如常返婆婆度接佢時，我不停咁同佢講，「點解唔見一日你就高左o既? 你琴日同今日有冇乖呀?」等等等等等。哈哈哈，真係好搞笑
2013年10月7日 星期一
9m大，第一次出街食粥仔
最近小小已經滿左9個月大了，時間真係過得好快，咁快就同小小搏鬥 (呀唔係，係「相處」^u^) 左9個月了。
琴日出左一整日街，好攰。上午小小好合作咁訓左大半個鐘，於是我地有時間煲粥同執好要出街o既野，因為琴日係第一次帶粥俾小小出街食。
以前一直都係如果出街就淨係食奶，直至到上一次出完街再同租叔叔去食晚飯，我坐o係個好窄o既卡位餵奶時，我同爸爸講，我地都係唔好再要小小o係街食媃奶喇，要開始帶粥或者糊仔俾佢出街食喇。之前出街食奶係因為怕麻煩，因為小小出街可以埋身食奶，可以乜都唔使帶，但其實小小一向都唔鍾意o係餵奶巾入面食奶，會一直扯條餵奶巾要出返黎，我地就通常會帶餅仔俾佢o係我地食飯o既時候都有 d 野咬下，如果小小都有粥一齊坐o係枱食，相信會好好多。
呢日星期日約左富媽媽同bb，另一個就黎兩歲o既大bb，同大肚婆飲茶。小小好合作咁食晒成碗好杰o既粥仔，跟住冇幾耐訓左，訓到我地散場佢都未醒。唔知係因為我地遲左定係因為小小訓左，好似冇人留意小小咁... 感覺有 d 奇怪... 但我同爸爸都因為小小食晒好杰o既飯仔同訓左好耐感覺好好。
飲完茶，去左 sogo 買飯壺仔，再過富媽媽度攞膠地墊，再的士返屋企。其時已經五點，本來諗住叫婆婆暖定奶開糊仔，點知婆婆唔o係屋企，所以我地就攞兩枝舊奶返屋企先開糊仔。
臨訓，攰到爆...
明天仲有好笑事，另篇 ^^
琴日出左一整日街，好攰。上午小小好合作咁訓左大半個鐘，於是我地有時間煲粥同執好要出街o既野，因為琴日係第一次帶粥俾小小出街食。
以前一直都係如果出街就淨係食奶，直至到上一次出完街再同租叔叔去食晚飯，我坐o係個好窄o既卡位餵奶時，我同爸爸講，我地都係唔好再要小小o係街食媃奶喇，要開始帶粥或者糊仔俾佢出街食喇。之前出街食奶係因為怕麻煩，因為小小出街可以埋身食奶，可以乜都唔使帶，但其實小小一向都唔鍾意o係餵奶巾入面食奶，會一直扯條餵奶巾要出返黎，我地就通常會帶餅仔俾佢o係我地食飯o既時候都有 d 野咬下，如果小小都有粥一齊坐o係枱食，相信會好好多。
呢日星期日約左富媽媽同bb，另一個就黎兩歲o既大bb，同大肚婆飲茶。小小好合作咁食晒成碗好杰o既粥仔，跟住冇幾耐訓左，訓到我地散場佢都未醒。唔知係因為我地遲左定係因為小小訓左，好似冇人留意小小咁... 感覺有 d 奇怪... 但我同爸爸都因為小小食晒好杰o既飯仔同訓左好耐感覺好好。
飲完茶，去左 sogo 買飯壺仔，再過富媽媽度攞膠地墊，再的士返屋企。其時已經五點，本來諗住叫婆婆暖定奶開糊仔，點知婆婆唔o係屋企，所以我地就攞兩枝舊奶返屋企先開糊仔。
臨訓，攰到爆...
明天仲有好笑事，另篇 ^^
訂閱：
文章 (Atom)