32 week，又係時候返健康院檢查喇。上次以為會排倒2星期覆診，點知都係排倒4星期，仲以為係因為我實在太冇野所以 fall into 2-4 week o個個 4 week 先覆診，但今次都一樣咁冇野而又排倒 2 星期覆診，所以我估計係因為我上次只係 28 週.... 未去倒佢 30 週以上要每 2 星期覆診o既指標，ok 啦，反正病假左去檢查冇著數 --- 此話怎講呢？因為我做緊o既野從來都冇開始過 handover 俾其他同事，而我亦「好盡責」咁只會攞半日病假，下午會返去做返我星期三下午o既 regular 工作，上兩次都係返屋企 hea 陣先出門口都仲得，今次等張醫生紙等到十二點幾..... 返到公司已經三點半 (當然亦因為我唔想咁早返去，施施然食個飯先慢慢出門口
) ，下次 book 我十一點半，等得醫生紙黎即係幾時 ?!!! 於我我返去問秘書︰「如果我下次真係成四五點先返到黎，仲計唔計倒半日病假？」，佢都唔敢 say yes，咁既然醫生紙都係寫一日，所以我決定下次索性放一日假返屋企攤抖下 lu ~ (希望唔會開口中只攞到半日假紙啦.... touch wood.....唔會o既.....)今日問診個姑娘好頹..... 佢話唔可以一日食一隻蛋，只可以一個星期兩三次，唔可以日日飲鮮奶，只可以一個星期兩三次 (咁可能我一日三杯又真係過份左 d o既.....)，咁究竟我應該點食法呢
？真係諗極都唔明..... 其實佢講懷孕期營養o個本小冊子我已經睇唔明即係一日要食幾多.... 而家佢咁講更唔明.... 咁唔緊要啦，我呢個禮拜冇再飲午飯後o個杯奶，下午茶都唔係日日有時間食，冇時間食就又飲少一杯，如果有時間食下午茶就只攞蛋白唔攞蛋黃咁囉... 下個禮拜又覆診啦，到時就知有冇輕少左，冇咪 ok 囉 ^^之後去摸肚。小小心跳得 130左右，姑娘又冇話乜，咁即係 ok 啦 (之前都係150)。我同老公講︰「小小都幾 relax 下，跳得一百三十」。其實我只係驚佢有咩問題..... 不過佢都一路有郁，有時都郁得幾大力，咁應該 ok 啦。不過今次姑娘摸完肚又冇講話小小個頭咩方位..... 上次o個個有講.... 咁即係點呢 ?
~0~0~0~0~0~0~0~
至於大病一場
話說星期三o個日咁遲先返到去，梗係做到嘔啦，再加上星期四有單大野，個個老細都好緊張，做到冇停手，仲講到明星期四要留夜 d standby。o個晚半夜醒時已經覺得有 d 頭痛，如果唔係要返去 standby 我真係會直接 call sick。返到去，頭冇痛，但肩胛骨、膊頭同頸同超痛，又 hatchi 流鼻水，所以出街買野時就順手溜左去睇醫生。今次醫生冇好似之前咁話我大肚唔好食藥... 更加只係 offer 左一日 sick leave 俾我 (上次有兩日，唔通覺得我想呃病假?!!!) ，既然得一日，我就問「可唔可以寫聽日? 今日走唔倒」，好彩佢都肯寫。
下午背越黎越痛，我知呢種痛唔關大肚重量事，又唔似感冒o個種痛，而且不停忽冷忽熱，心諗 -- 瀨野 ---
(好攰喇... 要訓.... 有機會埋電腦先再續....)
沒有留言:
張貼留言