33 week +6 - 有肚紋係應該，冇肚紋係好彩

之前一直都好勤力搽 bb 油，一路都慶係自己肥得唔快，一路都希望自己會係好好彩冇肚紋o個 d 少數人，直至到我見倒 forum d 人話原來肚紋其實唔係咁早出現的，我都一直做定心理準備一直暗暗希望自己會冇.....

琴日又攤o係張床度曬太陽時，老公問我︰
「咦點解你個肚瘀左 ?」
「下?! 唔會呀?」
「(指住肚底) 呢度呀」
「咁低我睇唔倒」
「我映幅相俾你睇」
跟住佢攞起我部電話映左幅相 (可惜跟住我部電話 hang 左，所以幅相炒左 post 唔倒上黎)
我一睇︰「噢.... 琴日醫院講座講o個種肚紋 .....」

我當時雖然好似冇乜野咁答佢，但內心都有少少希望唔係。佢返出廳做野，之後我入厠所照左一陣 .... 噢..... 好對稱的兩邊大約同一個位都有 .... 雖然隔左個洗面盤冇辦法好近咁研究，但都一定係肚紋了..... 個心有少少氣餒

琴晚訓覺時，摸下摸下肚底.... 話有紋o個個位確實係有少少凹凸的 .... 肯定係了.....

唯有安慰自己，「有肚紋係應該，冇肚紋係好彩」 .....

  開始擁抱肚紋吧 !