今日見姑娘，照舊都係冇乜特別啦。體重o既上升o係理想範圍之內 (0.8kg / 2 week)，冇腳腫，冇抽筋。姑娘話今日睇完會俾我個 file 我自己 keep 住，我冇聽清楚，但應該個 file 係要隨時跟身，預備隨時生得時交俾醫生睇。
之後見醫生，醫生都係度肚同聽心跳啦。姑娘聽心跳會話你知跳幾快，但醫生聽就只會話「聽倒」咁樣，不過唔緊要啦，有又正常就得啦
。今日仲有做 B 型鏈球菌取樣，唔知關唔關事今日成日都覺得有 D 痕 :P下次又唔使見醫生 lu，仲以為到生之前都係見醫生添。今日睇完先十一點幾，但老公話其實次次都係兩個鐘鬆 d，只係今日我地去左食早餐所以感覺等o既時間少左，不過今日等見醫生o既時間我覺得都係比預期中快的。
~o~o~o~o~o~o~o~o~o~o~o~o~o~o~o~o~o~o
本來諗住今日睇完醫生就去商場買兩頂 bb 帽同厚袍，點知睇完醫生已經覺得好攰，又飛住雨粉，所以都係放棄左要行斜路先去倒o既商場，直接去左搭車返屋企。返到屋企隨即就訓左，冇轉過身，訓醒已經兩點幾 ....
... 落去茶餐廳食個飯，仲諗住食完執下屋，點知返黎又隨即訓左 (4點)，轉左一次身，訓醒已經7點 ... 
.... 又開飯，我同老公講，今日好誇，訓醒就食，食完就訓，訓返晒之前冇得訓o個 d :~~話說幫我接手o既同事遲遲未得閒同我 hand over，但老細話佢要學晒我平時做開o既野，再加上有兩個新同事我要 train，自己o既工作亦都做， day time 已經忙，但如果時間處理得好都可以早早地收工。但呢個幾禮拜，相信係因為老細問o個個同事學晒我 d 野未，佢開始醒覺我仲有兩個禮拜就放假，佢好認真話要學要學，但日日都等到夠鐘放工佢先話「而家得喇」然後講到九點、十點。呢排已經忙到冇時間鼠落 canteen 食 tea，再一收工時間就俾佢 hold 住，搞到我連飯都冇得食，連續好幾日走o既時候連大家樂都收左....好彩老公堅持出黎接我收工同我去食飯，往往返到屋企已經十二點......真係好辛苦.... 好彩自從上次檢查開始決定放全日，如果唔係今日就試要下午返番去的話，實又俾佢 cher. ....
聽日又返工了，今日一整日都不停o係度諗仲有咩要教最新o個個同事，希望唔好灟。返多個零禮拜 ja ! 不過之後就有另一條漫漫長路等緊我喇
沒有留言:
張貼留言