呢兩個禮拜好大轉變，之前一路健步如飛o既我，近呢兩個禮拜o係公司開始行得唔快，好多時都要就住就住行。好多時都會有人問我行路有冇問題，我都會答係一時時，但實在真係唔識形容俾佢地聽咩狀況會令我覺得行唔倒，有時係因為個肚硬左而行唔倒，有時會只係覺得移動唔倒，有時會覺得對腳好重。冇食多左野，反而有時忙起上黎會 miss 左 tea time，落唔倒去 canteen 食下午茶。自從對上一次返健康院覆診姑娘話我日日飲三杯奶太多，我真係 cut 咁一杯，之後o個次兩星期覆診冇重過之後，我一路諗住自己照食返下午茶飲返一日三杯奶，點知反而去唔倒食下午茶...... 黎緊星期三返健康院覆診睇下咩情況啦.....
琴日星期六返左私家醫生覆診照超聲波，反而話小小o係過去呢兩個禮拜重左成磅!!! (其實仔細睇返份報告，每次o既誤差都有 +/- 300 g，其實可能上次計少左300今次又計多返300o既話就等於實際係冇重過，hahahahahahahahahah
)，不過重量都唔係重點o既，重點係 size，有大到就 ok 啦 
。既然下午茶咁難，不如就 keep 返午餐後o個杯奶，下午茶當 bonus 啦，希望小小出o黎時有足夠脂肪過冬 ! 由於今次覆診已經係 35週5o既關係，醫生同姑娘甚至都冇要求我 book 埋下次，佢地話「兩個禮拜後都未生先再返黎啦」咁，但我都照 book 左覆診時間先，反正以前就話返工所以只能 book 星期六je，下次book遲兩日已經係放緊產假，可以 weekday 唔使咁趕。噢! 忘記講重點! 上次照超波時係 33週5，醫生話小小未調頭之餘仲係「曲體」(曲體係我講o既，即係跳水o個個曲體姿勢)，仲特登o係佢俾我拎走o個份報告度寫住呢個 remark，簽埋名，chop 埋印。之後我一直o係度做要開刀o既心理準備，亦都所以咁，我地約左下一次覆診o係健康院之前，諗住如果再唔調頭就要拎埋份私家醫生超聲波報告俾健康院睇。上次照完之後，小小一直 keep住郁得好厲害，今次照時醫生話已經調左頭喇 !!! 我即刻好緊張咁問佢「但係咪就算調左頭都仲有機會會又轉返上去架?」，咁在醫生o既角度佢梗係話我「會有機會」啦，但佢語氣同意思都係話機會細o既，我都係自己擔心 / 多心 je
沒有留言:
張貼留言