做到都冇時間落 canteen 食 d 野，收工要搵野食先啦。但個人實在太辛苦喇，背脊又勁痛，又感覺倒個肚硬晒，唔想食飯，只想食個粉麵，但大家樂晚市冇粉麵，但我亦行唔倒遠 d o既茶餐廳喇，好辛苦好辛苦，諗左一陣，決定都係要搭的士返屋企，返左去再算，因為我估我應該冇辦法支持o個一個鐘o既巴士車程 (搭左百幾蚊過海 .... 其實都有 d 肉痛，但唔夠o個該肉體咁辛苦，而且個肚唔舒服，我唔係太敢搏)
的士返到屋企附近時. .... 真係人算不如天算，前面好似o岩o岩撞左車，此路不通..... 於是改道去左上少少o既電梯口落的士.... 搭扶手電梯落返去... (三條電梯).... 行完o個三條電梯，我真係最後一點力都用盡，連o係屋企樓下茶餐廳等野食o既力都冇喇... 於是我 larn 左返上樓... 用最後一點力... 開個火.... 煮左個麵.... 乾啪左.... 然後就入房訓左落床，幾耐訓著我真係唔記得.....
o個晚我痛醒左好多次，每次都要坐o係度拉筋先舒服d，而且膝頭對上o既肌肉好痛，但奇怪地係好似行完山過勞o個種拉傷o既痛，膊頭都係o個種痛。由於唔知係咩事同唔知係咪感冒，同埋反正都咁痛，於是每次醒我都起身去飲水同去厠所，希望飲多 d 水可以幫助倒身體自我療癒o既過程。
由於前一晚又冇食下午茶又冇正式食晚餐o既關係，第二朝好痛但又勁肚餓。老公最初並唔知其實我係咁嚴重，好似平時咁話叫我起身同我落街食早餐，我話「唔得呀我落唔倒樓」，佢了解左一排先知原來我係咁唔舒服 (因為佢返到屋企我已經訓左其實係好平常，佢仲未知我琴晚做過 d 乜)，於是佢落街買左三個麵包返上黎擺左o係床邊櫃，我再番訓左一陣又再痛醒先一次過食左兩個麵包 (真係好肚餓 .... :P)
星期五就係咁樣訓訓醒醒之間渡過，有時訓唔倒就坐軟攤o係梳化度，可以話係一訓低就痛，到星期六都仲係咁，仲因為痛而喊左好幾次，一路喊一路問︰「究竟我咩病呀~?」，因為平時腸胃炎呀頭痛呀都好，再辛苦只要訓得著就可以有一陣冇事，但今次呢個痛係令人訓唔著之餘仲會痛醒，而且有少少係越訓越痛 (因為係膊頭同背痛，到星期六o既時候我問自己︰已經痛左三十幾個鐘喇，到陣痛o既時候究竟我捱唔捱得住?
其實我係可以食 panadol 的，但其實我有少少懷疑我呢種似肌肉拉傷o既痛食 panadol 其實有冇用。同時我都擔心我咁辛苦其實唔知會唔會反而影響到 BB 呢 ? 真係唔知 ....
好彩到星期日已經好返好多了，而且因為前兩日訓得唔好而且痛到好攰o既關係，星期日日間反而訓左好多，夜晚八點幾先起身食晚飯，搞到當晚訓左o係張床度成兩點幾都未訓得著 ...
... 聽日返工點算呀 ....
沒有留言:
張貼留言