繼上個星期嘅爸爸專屬日之後，小小又返黎我手上喇 u.u
今日開始由我同小小去上 playgroup。上次爸爸講到咁輕鬆咁好玩，原來實情係忙到傻的，短短一個鐘頭入面有好多個 task。
上完我嘅第一次親子 playgroup，當小小完全唔聽指令然後導師又猛咁話唔可以俾佢走開時雖然係好氣餒，但搭車返屋企時我喺度諗，其實小小係比上不足比下有餘，playgroup入面佢係最細嘅BB之餘，據爸爸所講估計全部小朋友都係舊學生，因為有d冇戴名牌嘅小朋友導師都知道佢個名。小小確實係唔聽指令，亦控制唔倒佢喺大家企定時企、坐定時坐、跳舞時跳舞、音樂停時停，但眼見其他小朋友其實亦唔係跟到晒全部指令。
p.s. 呢個 playgroup 指明要父母其中一個陪同，原因可能係要平時唔係主要照顧者嘅佢地都要學習管教自己小朋友，但經過今日，我深深覺得應該搵一個唔使爸爸留喺班房入面嘅 playgroup XD 而家明點解香港家長要幫小朋友報讀十萬個興趣班：因為佢地自己要放假呀!!!! XP
沒有留言:
張貼留言