24 week - 產前運動班

今朝去左上產前運動班，係呀，原先以為私家醫院先有o個 d 六百蚊一堂o個 d 產前運動班，原來政府醫院都有架！我唔佑私家醫院o個d 係點，但我今日上政府醫院班感覺一 d 都唔流。當然~ 內容就點都唔會好豐富架喇，因為你地班友仔其實都有咩真正o既 "運動" 做得 
(補充一句，如果你本身係運動型，其實不嬲做開o既運動都做得的，只係要避免一 d 有撞擊o既運動，例如打波。而游水，跑步，甚至踩健身單車其實都係可以的) 
其實佢都係講 d 好 basic，但平時你未必會留意o既野，例如企同坐o既正確姿勢啦。而針對性o既就有會陰肌肉鍛練，同瑜珈貓式鬆腰等。唔流o既原因係 7 個大肚婆有 2 個物理治療師上堂，佢仲逐個過o係 check 你動作o岩唔o岩。佢又怕你唔係個個理解倒邊度謂之會陰肌肉，掂住話俾你知你用得o岩唔o岩 (佢話如果你收得唔o岩位的話係做極都冇用的)

雖然個堂只係短短兩個鐘，但好過自己睇書好多，例如我一直做拉腰係拉上背 (我係真係想拉上背多 d )，但佢會同我講其實我而家係要拉下背，又或者應該腰背用力但我用錯左盤骨，雖然要錢 ($100)，但都抵呀。希望老公可以晚晚都早 d 返屋企督住我做就好喇。