事源一知道有左之後，原來真係會好想話俾某 d 人知。當然第一時間已經話左俾媽咪同奶奶知，但個心會一路盤算話 「丫，一夠三個月呢..就即刻話俾邊個邊個知」 咁，其中一班我想即刻話俾佢地知o既就係一直都仲好 friend o既幾個大學同學
等呀等呀等，因為我地都唔係真係約得好密，都幾個月先見一次，等緊諗住七月中約大家食飯，到時我就會三個半月 (成日想等三個半月因為我知道自己個週數唔足)。就o係我耐心咁等呀等o既時侯，就收倒其中一個同學o既 whatsapp，大約係話 "I've been counting down and I can't wait to tell you that we are pregnant!"，大家當然即刻好興奮啦，係咁恭喜佢呀，又問好多知道左人地大肚o個刻一定會問o既問題啦咁。當時我都好冷靜，大家話「咁快 d 出黎食飯啦」咁，我都有 suggest 不如七月中啦，點知都係就唔倒，最後都係約左七月頭。
其實當時我個肚都有 d 凸o架喇，不過我一直都係肥底，之前佢地都有提過話「如果覺得你肥左我地係唔會出聲架^^」，再加上今次聚會目的係見人地個大肚，就當然唔會為意我啦。之前我地仲講緊要 order 定乜野餸，我仲諗緊「唔，我唔使 comment d 餸o既，總之佢食咩我食咩囉」，點知就o係大家興高采列話要訂定八寶鴨o既時候，有人好激動咁話「大肚婆唔食得!!! 」，於是我又加入游說大家唔好 order 八寶鴨啦，點知最後都係通過左。
席間，當然大家都問攞到床位未啦，佢話佢會o係 st paul 生，佢醫生係 st paul o既駐院醫生，佢黎緊會飛美國探男家親戚，順便買 d 美國本地 bb 用品平 d。我知道，佢將會遁住時下教養小朋友o既模式去養育佢呢個 bb，因為呢個同學自己搞生意，已經買左一層樓再換左另一層樓，而我只係住o係我老公間居屋，同奶奶一齊住，而且仲未供完。我唔係介意，反而我好安於現狀。一個人，食幾多用幾多係整定的，小朋友揀左我做媽媽，就要同我一齊捱啦
， hahahahahaahhahah
沒有留言:
張貼留言