24 week - 論盡期

最新跟睇一個醫生o既 yahoo blog，當然最感興趣o既都係佢講佢大肚o既篇幅啦。佢話佢睇一本書叫 What to expect when you are expecting，講到點解孕婦由六個月左右開始會變得 clumsy

http://blog.yahoo.com/_PIYRJ3VY7D4PAWHNOFASQZH7LU/articles/197482
原因是荷爾蒙令手腳關節的筋腱鬆弛，加上水腫，會令拿東西時的準確度和穩固性大大減低；而懷孕時期的疲累與睡眠不足，也會令集中力下降。

除此之外，肚子漸大使重心轉移，甚至看不到自己腳前的物件，亦讓增加孕婦失去平衡和跌倒的風險。經常從地上拾起自己弄跌的東西，更會令頸、背和膝蓋承受壓力，容易受傷。

因此，書中建議孕婦，盡量避免自己拿易打碎的物品，最好請別人幫忙；走路、上落樓梯、洗澡、爬上爬落，都要格外小心。要有充足休息，工作不要逼得自己太緊，做什麼事都要放慢步伐。而最重要的，是對自己的笨拙有包容心、有幽默感，不要為了倒瀉汽水摔跌花瓶而大發脾氣！

其實由大約一兩個禮拜之前，我已經開始覺得沖完涼著唔倒褲 (哈哈哈哈哈)。因為覺得雙腳抬唔倒咁高，有少少係因為覺得個肚頂住 (但自己又成日形住應該冇咁誇張丫，因為我成日都覺得我個肚其實唔係好大)，而自己覺得更大原因係大脾冇力。有時行上樓梯，只係幾級已經覺得好攰，落巴士更加好覺得自己好快會落唔倒o個一大級落地o既距離。老公問我 "(落唔倒巴士) 咁點算?"，我話 "冇o架，咪好似 d 老人家咁扶住落囉， hhaahahahahah"

我之前都唔為意，但最近都發覺自己o係 office 成日跌野，包括跌筆啦，萬字夾啦，仲要全部都係跌落地 (點解唔係跌落枱.......)，搞到我成日要烏低身去執。 之前趕緊個大 project 日日跑來跑去，當我放假或放工行得好慢時，我成日同老公講： "我o係公司唔係咁架，行得超快"，之前睇 d 書話大肚婆每日要散步兩粒鐘，我都話 "我日日o係 office 咁跑來跑去法，乜都行夠啦下話?"，個 project 忙完，我都係時便開始調整下自己o既腳步，行番慢 d 喇。