好 mean 的公司

公司好 mean 的 policy 係，只承認由公司醫生開o既病假。試過有一次拗柴，根本就去唔倒咁遠睇公司醫生啦，於是就睇樓下醫生攞假紙，點知返黎佢話我唔係公司醫生，只能計我 no pay。都算，點知之後有個同事發大燒入埋醫院，不過係入自己保險包o既私家醫院，住左成三四日，就係咁出事喇，返o黎之後交返假紙，人事部同佢講話o個幾日係 no pay，大家都 「下?! 入左醫院都計 no pay?!!!」，於是大家唔信邪真係返屋企睇 contract，原來人地真係有寫話只係認公司醫生出o既病假紙...... 

後來有一次同同事講起之前另一個大肚o既同事，佢話o個個同事當年去檢查攞唔倒病假，最後都要用 annual leave，我話「下?! 唔得架喎，勞工法例講左係要俾病假架喎」，之後我諗，可能公司會照 count 病假但 no pay，咁都唔出奇，因為以每人每月有兩日假病計，係講你可以放幾多 paid sick leave，如果過左就冇 pay 咁解，同樣地，其實公司係冇責所有 sick leave 都 pay 的，因為我地親愛o既政府係幫商界的，勞工法例係話︰四日或以上的病假公司需要支付 4/5 人工」，所以三日或以下的病假公司係應份唔俾錢你的，俾就係恩賜....

基於咁，估計公司o既意思 / 立場都係︰你o係公司醫生睇產科咯，咪俾 paid 病假你囉~ 

呢件事更加加深左我返公立醫院生o既理由︰政府醫院俾o既假紙，你冇得唔俾我喇呱 ?

之前去左幾次醫院覆診都好地地。最近去左物理治療做產前運動，點知張到診紙俾人彈返轉頭，我同人事部問左好耐，人事部猛話「要因為係 BB 要去醫院先可以」，咁我都明張到診紙又真係只係寫我去左物理治療，睇唔倒係因咩事，咁我覺得算喇，唔再同你呦，我只係想問番「咁我黎緊冇得返醫院，只係去健康院，健康院張到診紙又計唔計先?」，佢一路都唔可以肯定咁答倒我「得」，    o係度做左廿年 HR，我就唔信你冇試過有同事係o係公立醫院生，第二，彈假紙你又識，問你收唔收你又唔識答 ....  -_-"   真係逼我講番粗口.....