話說我四個幾月時同屋企人去個一轉韓國，飛過韓國o既人都知道，飛一轉韓國係好辛苦的，因為韓國 < > 香港只有半夜機，即係話要半夜o係機場等班機唔知 delay 幾耐，返黎時又要半夜先開始由機場返屋企。
韓國之旅係全家人陪阿媽去，所以冇法子啦…中間有幾辛苦 (主要係眼訓啦) 就冇需要詳細講喇，重點反而係，去完o個個旅行返黎覺得個肚突然間大左好多，唔知關唔關事o個幾日著o既衫唔同，或者因為o個幾日o係室外曬多左太陽?
今個禮拜滿26週喇，上個 weekend 仲終於去左廣東道o個間 H&M 掃左好多大肚衫 (但係我老公話全部衫都勁甩色，呢個又係後話)。又o係呢個時候，又覺得個肚突然大左好多? 我成日都會諗，究竟我個肚算大定算細呀? 因為印象中以前見過人地 5 個月個肚已經好大的，但自己 5 個月又唔覺喎，而且去睇醫生時又會見倒好多個肚超大o既人，就會覺得自己個肚好細。有時搭地鐵有位坐時，都會覺得唔知人地會點睇，因為個肚坐低之後可能就似肚腩多過似大肚....
呢幾日個肚好掙呀..... 食飽少少都會覺得個肚又扯住，個背脊又 chok 住.... 我諗我 d 妊娠紋都就快出黎啦 hahahahahah，都係快 d 趁呢個時間映番 d 個肚仲係白白滑滑o既相先 ^^
沒有留言:
張貼留言