快樂的產假 - 第 1 天

快樂的產假之前，老公出黎接我收工。後來佢話其實佢明知我呢日會遲過十二點收工，但佢 play save 都十點幾就出到黎零願o係樓下白等。最終我真係點幾先落樓，跟住我地去食麥當勞食 21 蚊餐，然後搭的士返屋企，沖埋涼已經三點幾。終於放下工作，我好感觸咁o係梳化攬住老公，同佢講「過去 30 個禮拜多謝你，多謝你俾我發左好多無謂o既脾氣」，因為返工超忙超攰o既時候好多時就冇顧到佢感受。但係老公都好眼訓喇，所以佢俾我沖左涼先之後佢都太眼訓只係換件衫就一齊去左訓， hahahahhah。

快樂的產假第 1 天，老公照常都係要去上韓文班，佢話下個星期老師請左假，再加埋聖誕新年，今日算係最後一堂。我一路都好鼓勵佢堅持去上韓文班，因為我覺得既然佢有興趣又做得倒，就好應該俾心機，而因為我真係太攰喇，所以同我講佢出門口後，我再番訓，醒時已經係點幾 (訓左十個鐘，只係八點時起身去厠所飲水一次)。起身後，將前日洗左晾住o既 bb 衫收落黎，再洗落機大人衫，就落去茶餐廳食飯。最搞笑係我睇錯左晚餐餐牌 .... 諗住自己個餐 $39，但伙計放低將機單時係 $36，我奇怪再睇番餐牌發現自己睇左晚餐唔係午餐，好彩發現，如果唔係到 d 野食到時話人落錯就搞笑喇  

今日有兩個 friend 去左探富媽媽，comment 係 「富媽媽 is suprisingly looks great」，我心諗，梗係啦，起居飲食成班專人照顧，我都會 look great。呢個年代，一有左就個個都問你有冇請陪月，我成日都同自己講，以前 d 人自己都搞得掂，冇理由我唔得。bb 出左世之後會點我真係唔敢諗太多，呢一刻我超級短視，過得一日得一日，我只係有一個目標，就係星期一去剪頭髮，仲有 d 咩未做 (例如只係洗左 bb o的和尚袍同紗巾，未洗厚衫同被) 唔諗住 lu~ ，我都需要好好休息 recover from 之前太忙o既工作生活。上一次見我媽時，話佢聽我返多個禮拜就放產假，佢好認真咁叫我到時唔好齋坐o係度，都要行下，我當刻當然係就咁應左佢啦，但我其實係覺得，平時返工我已經行得夠多喇，呢個零禮拜 hea 下我諗個影響唔會真係咁大  ahahahahahah !!!! (好過份)