今日返娘家食晚飯，媽咪煲左白蓮鬚，媽咪煲o既，情感上點都可靠過奶奶o個 d .... 因為奶奶雖然日日煲湯，但佢永遠唔會彼露係咩湯，以前都賴過好多次野，當然佢唔會知我幾時m但往往就係扑中我o個幾日黎煲d涼湯..... o岩o岩有左時佢仲煲冬瓜又唔出聲..... 所以我對於佢煲o既湯水真係忌三分..... 媽咪之前話煲白蓮鬚時，我話上網有人飲完即刻暈o係度，我媽話原來我表妹都飲完唔妥，當時阿姨有話「好彩係佢地兩公婆自己話要煲 / 自己煲」唔怪得人，媽咪話佢地一定係用左太多料黎煲。佢去葯材舖買時，葯材舖都教佢一包分兩次煲，我媽話太多喇，只係用左煲六份一包同我兩個人飲，佢咁講得，我點會唔放心，起碼佢有諗過，而我同我老公成日話我奶奶o既內容，就係話佢人地街邊師奶講乜佢又信，又唔了解係咩理由，佢想搵佢個孫搏，我唔想.....
今日個肚又硬多左，而且有痛感o既硬都多左，希望好快生得啦。我真係唔想要用人事部再討論產假o既問題。事源我成日好執著小小週數o既問題，原因係因為我週期比較長，我硬係覺得小小會遲過預產期出世，所以成日想遲 d 先開始放產假，偏偏公司o係呢件事上跟足勞工法只能揀前4 或 前2 (我又唔明喇，前3 唔通唔俾?)，後來我研究健康院派o個袋單張時，見倒原來勞工法話「(大約係話) 如果生產日期遲過預產期則可享有預產期同生產期相差日數o既產假」，即係話如果你公司要你放前2後8，你早左生固然就係放足70日啦，遲左生你都係o係生左起計 8x7=56日之後先返工。
問題於是黎喇︰如果佢肯俾我放 no pay 產假當然好啦，但以我公司o既辦事手法，我絶對相信佢做得出要我扣 annual 囉，咁如果要扣 annual 就唔抵啦。到琴日再講起時， 老公都仲係未明點解我咁唔想扣 annual ，我話「咁 D annual 有o係度時，點用係我o既事，但如果一早已經俾佢扣左，咁我就算想放都冇得放囉」。佢又話「咁你係冇 annual 就係冇架啦 (佢意思係如果 annual 扣清我就可以請事假)」，我話「佢會要你攞 advance 囉，我而家已經 advance 架喇 (因為上次去物理治療張到診紙公司唔認數，已經扣左我半日 advance annual leave...)」
媽咪問我聽日星期日有咩搞作，如果冇，佢就再煲多一次白蓮鬚。我希望聽晚作動，然後後日小小搭正出世。飲完兩碗之後，我希望 d 白蓮鬚o係胎毒時同時清清我d 毒啦 hahahahah，因為今日發現頸後生左粒暗瘡，同埋下巴有 d 粒粒，hahahahahhahaahhahahahah
今日個肚又硬多左，而且有痛感o既硬都多左，希望好快生得啦。我真係唔想要用人事部再討論產假o既問題。事源我成日好執著小小週數o既問題，原因係因為我週期比較長，我硬係覺得小小會遲過預產期出世，所以成日想遲 d 先開始放產假，偏偏公司o係呢件事上跟足勞工法只能揀前4 或 前2 (我又唔明喇，前3 唔通唔俾?)，後來我研究健康院派o個袋單張時，見倒原來勞工法話「(大約係話) 如果生產日期遲過預產期則可享有預產期同生產期相差日數o既產假」，即係話如果你公司要你放前2後8，你早左生固然就係放足70日啦，遲左生你都係o係生左起計 8x7=56日之後先返工。
問題於是黎喇︰如果佢肯俾我放 no pay 產假當然好啦，但以我公司o既辦事手法，我絶對相信佢做得出要我扣 annual 囉，咁如果要扣 annual 就唔抵啦。到琴日再講起時， 老公都仲係未明點解我咁唔想扣 annual ，我話「咁 D annual 有o係度時，點用係我o既事，但如果一早已經俾佢扣左，咁我就算想放都冇得放囉」。佢又話「咁你係冇 annual 就係冇架啦 (佢意思係如果 annual 扣清我就可以請事假)」，我話「佢會要你攞 advance 囉，我而家已經 advance 架喇 (因為上次去物理治療張到診紙公司唔認數，已經扣左我半日 advance annual leave...)」
媽咪問我聽日星期日有咩搞作，如果冇，佢就再煲多一次白蓮鬚。我希望聽晚作動，然後後日小小搭正出世。飲完兩碗之後，我希望 d 白蓮鬚o係胎毒時同時清清我d 毒啦 hahahahah，因為今日發現頸後生左粒暗瘡，同埋下巴有 d 粒粒，hahahahahhahaahhahahahah
沒有留言:
張貼留言