第 8 天 星期六 (12月15日)，起身本來話又去 DICKENS BAR 食 BRUNCH，但最後冇去，因為想食夜晚多 d 選擇。晏晝o係屋企食飯又同奶奶大人嘈下係基本啦 (我記得好似係佢將琴晚食淨 d 雞件炒埋 d 芥蘭度搞到成碟都係雞骨碎)，之後訓個晏覺，又係時候出發喇。
今次張 coupon 直情係兩位免費，老公見我食得唔多，大呼「好彩唔使錢」。今日d 魚生好靚，我都破例食左一片三文魚咁大把。大住個肚最唔抵係又唔食得沙律又唔食得 cold cut，連 salami 同 ham 都唔係好敢食..... 魚生就冇所謂啦，反正我平時唔多食生野都係一件起兩件止，但又唔食得我平日會喪食o既凍蝦囉，唔緊要，食多 d 熱盤補返數。期間小小有一段好長時間係咁郁，正好俾我食飽抖下落下格啦。睇住老公係咁食係咁食我都好開心 ^^ 。我地七點半出到去，食到九點半，食足兩個鐘，最可惜係水尾所以冇晒豆腐花，同埋做左聖誕特式甜品反而唔吸引囉...但重點係食左一杯雪糕呀!! HAHAHHAAHH!!
又講下富媽媽
話說朋友們o係十一朝探過富媽媽之後，當然地又冇晒富媽媽o既音訊啦。之前富媽媽o岩o岩出院返屋企時，曾經 whatsapp 過我話有用剩產婦衞生巾同床墊可以俾我，佢冇提點俾我 (例如會唔會佢老公返舖頭或者出開街時可以拎俾我呢?)，即係 expect 我過去拎啦。當時我仲未放產假，所以其實都可以放工過去拎 (我住九龍，佢住港島而我o係港島返工)，但我諗諗下，感覺係 ... 我都知佢係基於唔好浪費，但佢又有冇諗過我都大住個肚，而我公司同佢屋企一個港島東一個港島西 .... 就算我收工過去，都要特登搭車過去，過到去又變左冇直車返倒屋企，又要轉一大輪車 (但我o係公司返屋企係一程車點到點) ，其實我都大住個肚，我放工都會覺攰的 (其時我 37週....)，所以我最後好技巧地覆佢「我呢個禮拜邊日早收工就過黎拎啦」，最後都真係從來都冇早收工過，所以就不了了之左喇，到我放產假就更加唔會特登過海過去拎啦。
到今日，等緊巴士去食自助餐時，收倒富媽媽 whatsapp 問我買齊 BB daily stuffs 未 / 要唔要幫手買，我睇完好衰咁覺得「冇佢咁好氣」，於是又好技巧咁覆佢「爭幾張替換床單 only，其他都 OK 啦」咁，然後轉移話題問佢會唔會搞滿月 dinner，然後大家都話 prefer 100日多 D，又end 左個 conversation。我都知富媽媽係真心好意關心我....但.... 就算如實答佢 / 搵佢幫手，估計都係搞倒自己多..... (我真係好衰....又好絶.....sorry.....)
今次張 coupon 直情係兩位免費，老公見我食得唔多，大呼「好彩唔使錢」。今日d 魚生好靚，我都破例食左一片三文魚咁大把。大住個肚最唔抵係又唔食得沙律又唔食得 cold cut，連 salami 同 ham 都唔係好敢食..... 魚生就冇所謂啦，反正我平時唔多食生野都係一件起兩件止，但又唔食得我平日會喪食o既凍蝦囉，唔緊要，食多 d 熱盤補返數。期間小小有一段好長時間係咁郁，正好俾我食飽抖下落下格啦。睇住老公係咁食係咁食我都好開心 ^^ 。我地七點半出到去，食到九點半，食足兩個鐘，最可惜係水尾所以冇晒豆腐花，同埋做左聖誕特式甜品反而唔吸引囉...但重點係食左一杯雪糕呀!! HAHAHHAAHH!!
又講下富媽媽
話說朋友們o係十一朝探過富媽媽之後，當然地又冇晒富媽媽o既音訊啦。之前富媽媽o岩o岩出院返屋企時，曾經 whatsapp 過我話有用剩產婦衞生巾同床墊可以俾我，佢冇提點俾我 (例如會唔會佢老公返舖頭或者出開街時可以拎俾我呢?)，即係 expect 我過去拎啦。當時我仲未放產假，所以其實都可以放工過去拎 (我住九龍，佢住港島而我o係港島返工)，但我諗諗下，感覺係 ... 我都知佢係基於唔好浪費，但佢又有冇諗過我都大住個肚，而我公司同佢屋企一個港島東一個港島西 .... 就算我收工過去，都要特登搭車過去，過到去又變左冇直車返倒屋企，又要轉一大輪車 (但我o係公司返屋企係一程車點到點) ，其實我都大住個肚，我放工都會覺攰的 (其時我 37週....)，所以我最後好技巧地覆佢「我呢個禮拜邊日早收工就過黎拎啦」，最後都真係從來都冇早收工過，所以就不了了之左喇，到我放產假就更加唔會特登過海過去拎啦。
到今日，等緊巴士去食自助餐時，收倒富媽媽 whatsapp 問我買齊 BB daily stuffs 未 / 要唔要幫手買，我睇完好衰咁覺得「冇佢咁好氣」，於是又好技巧咁覆佢「爭幾張替換床單 only，其他都 OK 啦」咁，然後轉移話題問佢會唔會搞滿月 dinner，然後大家都話 prefer 100日多 D，又end 左個 conversation。我都知富媽媽係真心好意關心我....但.... 就算如實答佢 / 搵佢幫手，估計都係搞倒自己多..... (我真係好衰....又好絶.....sorry.....)
沒有留言:
張貼留言