第 7 天星期五 (12月14日) 去左邊呢? 自己唔使返工，老公又 HOME OFFICE，唔即刻寫低真係唔記得 .... 我記得有睇<<名媛望族>>大結局囉。呀! 我記得喇!!! 星期五好大工程呀!! 要帶奶奶大人出去佐敦做 body check。本來諗住老公帶佢出去先，我後 join 一齊去食野 (因為 body check 驗血要空肚 8 小時)，後來因為半夜起身時見老公仲做緊野未訓，所以將自己個鬧鐘校早左去 7.30am 預備俾老公訓晏 D，調轉我先起身帶奶奶出去然後老公後 join，因為之後仲要去polyU 配老花眼鏡。點知到七點半我起身時，老公竟然起倒身，叫我訓多陣，咁我就訓番啦，點知佢又好似話工作爭少少手尾要早上交俾人定咩，最後我都係 offer 我出去先啦，就同左奶奶出門口先喇，老公好擔心架 (因為佢驚我地會大打出手 hhhahahahahah)，臨閂門叫我有咩事打俾佢，我笑住話「唔會啦，有咩事醫院會打俾你 ^^ (即係我或者奶奶大人是但一個俾人打到入左醫院)」就出發喇。
不幸因為返工時間o既關係，等好耐都冇巴士，到有車時又逼滿左，但又好彩等到第二架車反而有位坐，8.45am 先上倒車，去到體檢中心已經係9.25am。老公遲我地成個鐘先出門口，反而只係遲我地唔夠半個鐘到體檢中心，所以都話我出去先啦，我出去先呢一個鐘我覺得好有價值。等等等等等，其實只係抽血同做左個呼氣測試，走時已經十一點幾。之後諗住轉個彎去睇下澳洲牛奶公司有冇o岩奶奶大人食o既野，點知!!!! 唔乸係呀?!!!??! 十一點就有人排隊?!!! 條龍仲要唔係短?!!! 所以就唯有行前兩步去另一間茶記算啦，最好o既係佢早餐到十一點半，我地仲有早餐食。最搞笑係俾老公見倒佢地用燒鵝(定鴨?) 同菠蘿油拜神 (o個日係初二) 。
食完早餐，順住條路 (其時o係寶寧街) 行過布行睇下有冇o岩用o既布造床單 (我只係想買幅唔好太花o既的確涼之類)，點知....原來而家寶寧街就得番o個一千零一間o係大街角o既布行... 咁人地當然係賣 d 特色布例如旗袍布呀，珠片布呀o個 d 啦，冇普通布賣 lu....咁又放棄啦.....
行行下，又醒起︰係喎，琴日同個保險 agent 講話今日出去攞大福月曆 (又係俾奶奶大人o既)，今日唔攞又唔知可以點攞喇，於是又由寶寧街呢頭 larn 返過去廣東道.... 過程係幾咁漫長就無謂詳述啦，最搞笑係我地費事要奶奶大人行咁遠所以o係九龍公園掉低左佢叫佢o係o個度坐低等我地，點知我中途個肚又硬晒行唔得快，結果比預計中用多左時間來回，返九龍公園途中我地o係度講︰「佢平時都係呢個時間落街行，唔知佢會唔會識周圍行下呢？定係佢會真係坐定o係度等呢？」最頂癮係佢個仔 (即係我老公) 竟然話︰「我覺得成個佈局勁似我地想賣甩佢，o係公園放低佢跟住自己走左去，所以佢應該唔敢行開！」我真係笑到差 d 必尿 !!!!! 返到去，佢果然真係坐定定o係o個張石櫈度， wahhhahahahahahaha !!!! 重點 -- agent 個 asst 行開左... 我地攞唔倒個福字月曆，所以解釋唔倒俾奶奶大人聽我地點解要賴低佢半個鐘咁耐.....
之後我地再慢慢由九龍公園經柯士甸道 larn 過去 polyU，去到o岩o岩一點放飯，好彩眼鏡舖係冇 lunch hour。奶奶大人本身係話姑娘叫佢配老花鏡，但佢去到眼鏡舖同個配鏡員講o既形容係一副近視鏡?!!!?! 我同佢個仔同個配鏡員都俾佢搞到一頭霧水..... 解釋左好耐，最終係決定配晒兩副，而且近視o個副因為係用黎出街關係仲幫佢造左全視線，埋單 $2220 係市價啦，唔係貴亦唔係平，等埋俾錢搞到兩點幾..
終於完成今日o既大長征... o係巴士度我同老公都訓到死左一樣.... 我再去唔倒邊喇.... 所以咪早早地睇倒 <<名媛望族>> 大結局囉
沒有留言:
張貼留言