今日冇節目，前日係當諗起「係喎聽日要去健康院喎 ! 好忙呀 ! 」因為開始放假以黎冇停過要出街.....本來天文台話琴日係最後一日有陽光，所以拿拿聲洗埋兩 set 床圍俾o個 dd 陽光曬一曬，就算曬唔到入面，當曬乾 d 都好。點知今日竟然又有陽光喎，於是又掛番套床圍o係窗邊俾佢盡量照下，下次再冼床圍我諗真係要等夏天喇，除非俾小小嘔污糟左啦。
今日可能因為唔使出街o既關係，對訓晏覺o既需要都冇咁強烈，所以而家有時間o係度寫 BLOG 囉
。最初有左想寫 BLOG 係因為當發現有左時 search 唔倒好多有用o既資訊，例如最簡單「要有咩文件o係手，公立醫院先會收我生仔」都搵唔倒，o個時真係灰到爆，勁徬徨無助。之後開始o係圖書館睇 d 大肚書時，儲埋儲好多平時 d 人o既誤會o既正解，都諗住寫 BLOG 講下 (所以開左「懷孕小知識」呢個分類)，點知之後就係返工勁忙勁忙，忙到就黎連訓覺o既時間都冇，更唔好講寫 BLOG 啦，所以廿幾週到三十週之間係吉左冇寫過野。有時都會覺得自己錯過左o個幾個月o既紀錄，有時會想寫返轉頭，但除非攞住個月曆數週數再諗返o個時忙緊 d 乜，其他真係一概唔記得。天黑lu，不如諗下今晚食咩仲好啦 ^^
沒有留言:
張貼留言