快樂的產假原來已經黎到第10日了，o係呢個第10日亦用左一整個下午加而家睇住無線台慶頒獎禮追番前幾日o既 blog 同繼續寫埋今日發生o既事。
今日 39週，原本以為係o係健康院一直跟到生得先衝返入聯合個產房，但原來 39週係返聯合的。返聯合好好多~ 同樣約十點，可以九點先起身，施施然食個早餐先再過去。登記時文員俾左兩張飛尾我，原來有一張係指要駁心跳機睇 BB 心跳 30分鐘。話說登記左之後正常入去 56號房驗尿同量血壓啦，點知出去坐低冇耐又叫我入番去，咁我仲話「下?! 覆桌?」以為我係咪血壓唔 OK，點知入去講名後，姑娘問我有冇屋企人o係出面，我話有，佢就講左句唔知咩同埋「你全部野俾晒佢」，我「哦」跟住好緊張咁出番去同老公講「姑娘唔知話咩咩咩咩咩，叫我俾晒 d 野屋企人，唔知做咩呢....」，老公都冇野好講啦，「哦」一聲接住我個袋同件外套，我就入返 56號房。
入到去，姑娘叫我訓上床，原來要駁機，搞到我唔敢郁... 但我諗，第時入左產房駁o個部機我估應該都係咁啦，咁應該郁得喎.... anyway... 我真係全程唔敢轉身。除左出心電圖之外，仲要 mark 住BB郁o既次數，最初小小勁冷靜，心跳 keep 住120，郁都唔郁，其實我都有d 擔心會 mark 唔倒，因為上午一般唔係佢活躍o既時間，同埋平時我多數摸住個肚，但今日俾個機遮住左....過左十分鐘左右，feel 倒輕輕郁左一下，我即刻好緊張咁按制，隔左一陣，又輕輕郁左一下，我又即刻好緊張咁按制，之後佢又大力郁左一下 ---- 原來每次郁佢都真係會心跳加速 (到140)，如是者再郁多幾下，突然間佢心跳一直o係140-160冇落過黎，仲不停郁不停郁，跟住我諗起「弊喇 ! 今朝早餐飲左奶茶 ! 係咪而家黎料 ?!!!」，佢真係冇停過咁一路心跳勁快係咁郁係咁郁，久唔久停一下我就當係重新計過，又再按制，我心諗... hahahahah.... 以39週黎講會唔會一陣間醫生睇時 comment 佢過度活躍...?...
之後出返去等嗌名。老公要去厠所，佢問我︰可唔可以等埋我先入房？梗係得啦 ^^ 但佢都好快返，而又真係好快又嗌我名喇。我有晒心理準備今日可能會要 check 宮頸 (因為我見其他blog 成日都見倒話會 check 宮頸有冇開始變薄) ，入到房.... 係男醫生... 訓上床...原來只係照超聲波 je~ 醫生摸摸肚，跟住就用超聲波照 bb 頭o既位置。醫生話 bb 個頭都已經好低「你應該會覺得好墜」「咁我又冇夾住保齡球o既感覺喎....」「咁又冇咁快」，我心諗「下?! 39週都冇咁快??...」，醫生又話「應該會好急小便啦」「一時時啦」，我個個問題都咁答，我諗醫生應該都好想打鑊我。
之後醫生循例都問我有冇問題啦，咁我真係冇問題.... 噢! 琴晚有陣痛o既感覺 ! 醫生話「其實你頭先都有，以第一胎黎講好正常，唔使擔心住」，係咩 ?!! 即係如果 bb 勁心跳就當係陣痛? okok...
醫生話下次約番星期一返去再駁機 check 心跳，如果好差就催生，如果唔係就約 41週返黎催生。最後佢仲建議我地上 2 樓睇睇產房o係邊 ?o? 我地都真係有上去呀，其實都唔難搵丫，指示好清晰。跟住我地就返屋企喇。
講返琴晚個陣痛
琴晚好夜訓，o係未訓用緊 ipad 上網時突然一痛，然後o個種痛漫延到下背，仲有傳閒中o既便急感覺，但o個種感覺絶對唔同真係便急。過左我諗大約半個鐘之後，真係訓覺喇，老公都己經訓著，點知o個種痛又黎，摸住個肚係 feel 個肚好似跟住自己o既呼吸一下一下咁變硬咁，如事者痛左有三四次，我不斷同自己講，唔使緊張住，好多時都會報假案o既，之後冇痛就訓著左喇，半夜都好似隱約感到有痛過，所以記住今日見醫生要同醫生講。我甚至有諗過會唔會第二朝起身會唔會一檢查就同我講「你直接上產房啦」，可惜 / 好彩 都冇即刻話生得~ 仲有多少少時間啦咁
後話︰小小成日下午基本上係冇停過地癲喪咁郁，搞到我勁辛苦... sorry 囉.... 唔飲奶茶囉.... 老公問我︰「你今朝飲晒成杯呀?」「係呀 ^^」
今日 39週，原本以為係o係健康院一直跟到生得先衝返入聯合個產房，但原來 39週係返聯合的。返聯合好好多~ 同樣約十點，可以九點先起身，施施然食個早餐先再過去。登記時文員俾左兩張飛尾我，原來有一張係指要駁心跳機睇 BB 心跳 30分鐘。話說登記左之後正常入去 56號房驗尿同量血壓啦，點知出去坐低冇耐又叫我入番去，咁我仲話「下?! 覆桌?」以為我係咪血壓唔 OK，點知入去講名後，姑娘問我有冇屋企人o係出面，我話有，佢就講左句唔知咩同埋「你全部野俾晒佢」，我「哦」跟住好緊張咁出番去同老公講「姑娘唔知話咩咩咩咩咩，叫我俾晒 d 野屋企人，唔知做咩呢....」，老公都冇野好講啦，「哦」一聲接住我個袋同件外套，我就入返 56號房。
入到去，姑娘叫我訓上床，原來要駁機，搞到我唔敢郁... 但我諗，第時入左產房駁o個部機我估應該都係咁啦，咁應該郁得喎.... anyway... 我真係全程唔敢轉身。除左出心電圖之外，仲要 mark 住BB郁o既次數，最初小小勁冷靜，心跳 keep 住120，郁都唔郁，其實我都有d 擔心會 mark 唔倒，因為上午一般唔係佢活躍o既時間，同埋平時我多數摸住個肚，但今日俾個機遮住左....過左十分鐘左右，feel 倒輕輕郁左一下，我即刻好緊張咁按制，隔左一陣，又輕輕郁左一下，我又即刻好緊張咁按制，之後佢又大力郁左一下 ---- 原來每次郁佢都真係會心跳加速 (到140)，如是者再郁多幾下，突然間佢心跳一直o係140-160冇落過黎，仲不停郁不停郁，跟住我諗起「弊喇 ! 今朝早餐飲左奶茶 ! 係咪而家黎料 ?!!!」，佢真係冇停過咁一路心跳勁快係咁郁係咁郁，久唔久停一下我就當係重新計過，又再按制，我心諗... hahahahah.... 以39週黎講會唔會一陣間醫生睇時 comment 佢過度活躍...?...
之後出返去等嗌名。老公要去厠所，佢問我︰可唔可以等埋我先入房？梗係得啦 ^^ 但佢都好快返，而又真係好快又嗌我名喇。我有晒心理準備今日可能會要 check 宮頸 (因為我見其他blog 成日都見倒話會 check 宮頸有冇開始變薄) ，入到房.... 係男醫生... 訓上床...原來只係照超聲波 je~ 醫生摸摸肚，跟住就用超聲波照 bb 頭o既位置。醫生話 bb 個頭都已經好低「你應該會覺得好墜」「咁我又冇夾住保齡球o既感覺喎....」「咁又冇咁快」，我心諗「下?! 39週都冇咁快??...」，醫生又話「應該會好急小便啦」「一時時啦」，我個個問題都咁答，我諗醫生應該都好想打鑊我。
之後醫生循例都問我有冇問題啦，咁我真係冇問題.... 噢! 琴晚有陣痛o既感覺 ! 醫生話「其實你頭先都有，以第一胎黎講好正常，唔使擔心住」，係咩 ?!! 即係如果 bb 勁心跳就當係陣痛? okok...
醫生話下次約番星期一返去再駁機 check 心跳，如果好差就催生，如果唔係就約 41週返黎催生。最後佢仲建議我地上 2 樓睇睇產房o係邊 ?o? 我地都真係有上去呀，其實都唔難搵丫，指示好清晰。跟住我地就返屋企喇。
講返琴晚個陣痛
琴晚好夜訓，o係未訓用緊 ipad 上網時突然一痛，然後o個種痛漫延到下背，仲有傳閒中o既便急感覺，但o個種感覺絶對唔同真係便急。過左我諗大約半個鐘之後，真係訓覺喇，老公都己經訓著，點知o個種痛又黎，摸住個肚係 feel 個肚好似跟住自己o既呼吸一下一下咁變硬咁，如事者痛左有三四次，我不斷同自己講，唔使緊張住，好多時都會報假案o既，之後冇痛就訓著左喇，半夜都好似隱約感到有痛過，所以記住今日見醫生要同醫生講。我甚至有諗過會唔會第二朝起身會唔會一檢查就同我講「你直接上產房啦」，可惜 / 好彩 都冇即刻話生得~ 仲有多少少時間啦咁
後話︰小小成日下午基本上係冇停過地癲喪咁郁，搞到我勁辛苦... sorry 囉.... 唔飲奶茶囉.... 老公問我︰「你今朝飲晒成杯呀?」「係呀 ^^」
沒有留言:
張貼留言