12月28日
六點半醒左訓唔番，呢個唔知係咪唔太需要半夜三四點起身去厠所o既代價呢 (其實我六點幾會醒都係因為要去厠所的)。眼光光到九點幾十點，終於等倒老公醒，重點係因為佢琴晚去左飲，好夜先訓，唔忍心咁早叫醒佢，我前一晚又因為佢去左飲，所以冇正經食晚飯 (只係五點幾食左個粉)，不過今朝又未至於餓到要死，所以等佢訓多陣啦，十一點再落街食早餐。
食完早餐，實在太攰喇 (已經醒左五個鐘)，又係時候番訓。訓醒之後落左去炮台山搵老公開影印舖o既朋友。我自細成日都話想開間影印舖，佢間影印舖好大影印舖味 ^v^ (呢 d 咩說話
??)，佢地傾左好耐計，坐到我腰都硬晒......
返屋企晚飯，之後睇呢期迷緊o既<<甄嬛傳>>o既大結局。
今晚卒之都係開始舖膠床墊。其實我驚會半夜穿羊水都已經驚左好耐喇，但一直都冇呢個 action.... ，成日希望「唔會o既~」咁，但係呢幾日真係肚硬o既時間多左好多 (已經幾日都成個下晏硬住)，好似都係舖一舖安心 d，但問題係..... 我轉身時都冇得碌住成個人轉..... 我係o係o個兩呎位裡面一路原地轉的.... 所以張膠墊根本就係會俾我整到風琴咁摺埋.... 相信其實實際作用不大，hhahahhaha....
廿八號喇.... 媽咪今朝打黎 check 我有冇落街行，佢有問過我係咪我計錯數，定係我少郁動 / 唔肯去行下咁喎..... 我想講，我不嬲都話小小真正足日數係應該12月31日架啦... 不過一直都冇人肯理我..... 睇第一個私家醫生攞醫生紙 (用黎去醫院登記) o個時就係太誠實咁講幾時 last M，冇預到影響咁大︰醫院又話唔會理你 period 長，第二個私家醫生 (因為第一個走左佬，所以出現左呢個「第二個」醫生) 又話 8-12 週已經決定，唔會同我改，結果而家個情況變左︰
(1) 因為公司一定要我產假跟足前2 或 前4，所以搞到我而家好似放左好耐假都未生咁，又要攞條勞工法同佢 extend 產假
(2) 因為醫院都只係盲目咁跟日子辦事，所以就算而家約1月2日催生，小小其實只係受孕 268天，只係遲左兩日....好似好對佢唔住咁.....
個個都話我遲.... 我都知大家都只係關心我，但我覺得好大壓力，好似係我錯咁.....
12月29日
我都唔記得 --- 其實今日係我自己生日。
我都有期待過「小小不如就今日出世啦，都幾有趣」。但一整日過左去，都係冇動靜。
朝早一貫都係好晏先起身，老公有o係床上未起身時同我講左「生日快樂」。o係屋企煮麥皮芝蛋治早餐。
午餐本來諗住o係屋企同奶奶大人食啦，最後都係冇食到.... 日日要同佢咁樣角力真係好攰。
訓到四點，就返左娘家飲白蓮鬚同晚餐啦。媽咪又問我要唔要煲蔥雞俾我食，蔥雞係我阿姨唔知o係邊度聽返黎「催生」的.... 我梗係話唔使啦.... 日日召我過黎飲白蓮鬚都夠啦... 真係唔使喇.....
希望聽日會有動靜啦
想食綠豆沙
六點半醒左訓唔番，呢個唔知係咪唔太需要半夜三四點起身去厠所o既代價呢 (其實我六點幾會醒都係因為要去厠所的)。眼光光到九點幾十點，終於等倒老公醒，重點係因為佢琴晚去左飲，好夜先訓，唔忍心咁早叫醒佢，我前一晚又因為佢去左飲，所以冇正經食晚飯 (只係五點幾食左個粉)，不過今朝又未至於餓到要死，所以等佢訓多陣啦，十一點再落街食早餐。
食完早餐，實在太攰喇 (已經醒左五個鐘)，又係時候番訓。訓醒之後落左去炮台山搵老公開影印舖o既朋友。我自細成日都話想開間影印舖，佢間影印舖好大影印舖味 ^v^ (呢 d 咩說話
??)，佢地傾左好耐計，坐到我腰都硬晒......返屋企晚飯，之後睇呢期迷緊o既<<甄嬛傳>>o既大結局。
今晚卒之都係開始舖膠床墊。其實我驚會半夜穿羊水都已經驚左好耐喇，但一直都冇呢個 action.... ，成日希望「唔會o既~」咁，但係呢幾日真係肚硬o既時間多左好多 (已經幾日都成個下晏硬住)，好似都係舖一舖安心 d，但問題係..... 我轉身時都冇得碌住成個人轉..... 我係o係o個兩呎位裡面一路原地轉的.... 所以張膠墊根本就係會俾我整到風琴咁摺埋.... 相信其實實際作用不大，hhahahhaha....
廿八號喇.... 媽咪今朝打黎 check 我有冇落街行，佢有問過我係咪我計錯數，定係我少郁動 / 唔肯去行下咁喎..... 我想講，我不嬲都話小小真正足日數係應該12月31日架啦... 不過一直都冇人肯理我..... 睇第一個私家醫生攞醫生紙 (用黎去醫院登記) o個時就係太誠實咁講幾時 last M，冇預到影響咁大︰醫院又話唔會理你 period 長，第二個私家醫生 (因為第一個走左佬，所以出現左呢個「第二個」醫生) 又話 8-12 週已經決定，唔會同我改，結果而家個情況變左︰
(1) 因為公司一定要我產假跟足前2 或 前4，所以搞到我而家好似放左好耐假都未生咁，又要攞條勞工法同佢 extend 產假
(2) 因為醫院都只係盲目咁跟日子辦事，所以就算而家約1月2日催生，小小其實只係受孕 268天，只係遲左兩日....好似好對佢唔住咁.....
個個都話我遲.... 我都知大家都只係關心我，但我覺得好大壓力，好似係我錯咁.....
12月29日
我都唔記得 --- 其實今日係我自己生日。
我都有期待過「小小不如就今日出世啦，都幾有趣」。但一整日過左去，都係冇動靜。
朝早一貫都係好晏先起身，老公有o係床上未起身時同我講左「生日快樂」。o係屋企煮麥皮芝蛋治早餐。
午餐本來諗住o係屋企同奶奶大人食啦，最後都係冇食到.... 日日要同佢咁樣角力真係好攰。
訓到四點，就返左娘家飲白蓮鬚同晚餐啦。媽咪又問我要唔要煲蔥雞俾我食，蔥雞係我阿姨唔知o係邊度聽返黎「催生」的.... 我梗係話唔使啦.... 日日召我過黎飲白蓮鬚都夠啦... 真係唔使喇.....
希望聽日會有動靜啦
想食綠豆沙
沒有留言:
張貼留言