第四日係星期二，本來諗住o係屋企整早餐，但老公可能同佢媽嗌左交，所以到我十起身時佢話落街食。食左久違o既蕃茄湯底早餐 (因為呢個餐係貴d o既，而且佢個湯底越黎越淡，所以好耐冇食)，之後去葯房買左好多野，返屋企用威路士過一過部洗衣機再洗大毛巾、包被呢 d 厚野，如果唔係之後幾日天文台話又天陰喇。
到三點幾，又眼訓，當然唔客氣去訓晏覺啦，老公話我放產假o既主要工作就係食同訓 (我都想...)，五點幾起身，一齊去剪頭髮，之後就返屋企食飯喇。
今日第五日，又夠期返健康院覆診。
上磅見倒個數已經覺得有d 奇怪，返出去坐低攞本簿仔出黎一睇，shit!!! 冇重到不特止，仲輕左 0.2kg ?!?!?!?!?! 我同老公講「又有得見醫生喇」，本來前一次已經話唔使再見醫生，而家連續見左三次醫生。我同老公講，返去同你媽講，之前食 canteen 好地地，呢個禮拜返去食佢 D 飯搞到我輕左。上次冇重到姑娘已經好緊張 (但上次冇重到我估計係因為對上一次個姑娘話我唔使食咁多奶同蛋，我真係 cut 左，點知就即刻冇重到)，今次都係同一個上次遇著我冇重到o個個姑娘，佢又係好似上次咁問我︰「訓唔訓倒呀? 有冇胃口呀? 情緒 O 唔 OK 呀? 」咁，我樣樣都冇事喎，所以我都唔知咩原因。不過今次我又唔太驚喇，上次驚係因為同事話佢當年返健康院冇重到被逼留院觀察左一日，我上次係驚要入院，咁上次我都冇俾人要求入院，今次都唔會啦呱。姑娘話︰「我想你返去再稱下，返黎話我知係咪差唔多」我心入面o係度暗笑 
hhhhhaa 佢地果然都當我地係豬 
咁我又返去磅重房「稱」下啦，上磅，比之前重左 0.1kg，此時姑娘原來已經跟到黎我後面，佢裝一裝「點呀係咪差唔多?」，我擰轉頭，指住個數「係呀 ^^ 飲左啖水重左 0.1」 (我真係覺得好好笑)，跟住我地就一齊返番入佢間房，之後再等見醫生啦。到見醫生，唔係上兩次見o個個喎。呢個醫生成熟型 (我係想形容佢個年紀)，但佢搽左 candy 橙色指甲油 !!! 好勁!!!! 佢問我「有冇飲奶呀? 有冇食蛋呀?」我都係答「有」啦，不過冇答到係「放假之後食少左囉」，因為我返工一日兩三杯奶，然後又久唔久都有蛋食嘛，返左屋企就冇 lu，咁咪自己去百佳買大屋奶囉，不過可能o係屋企郁得少o既關係，都唔似得返工時咁飲得落一日三杯咁多。
今次健康院覆診好快，走時好似都未到十二點，老公話因為要生o既都生左喇，我話「唔係喎，周圍 d 肚都仲係好大」，唔知呢?
返屋企，食午飯，之後去左實惠買左兩個膠箱同兩個膠櫃桶裝 bb D 野，真係裝得滿喎，好癲。紗巾已經裝滿一個櫃桶 (不過我地係買28cm o既細櫃桶je)，大毛巾包被等厚野又裝滿左一個膠箱，和尚袍又裝滿左一個櫃桶，其他立雜野例如棉花/棉花棒/思思樂乾棉/3個奶樽...又裝滿另一個膠箱。呢個行動係因為要 free 番張 bb 床出黎俾我拆張床單出黎洗，因為張床係o岩o岩講得有左時小小契媽個同事急不及待即刻 relocate 黎我度的，我地一路都張買俾小小o既任何物件放晒o係床上面，導致會有今時今日我想拆張床單出黎洗會拆唔倒呢個情況 hahahahhah。不過o個兩個膠箱同膠櫃桶都未裝倒人地俾小小 d 衫..... 我不禁同老公講「真係有好多衫....」，好彩我地堅持唔買初生衫住，原來只要有兩個 friend 每人俾一袋衫仔，已經有好多。不過當然，都生左出黎開始要著衫， D 衫開始要 rotate 又要等洗又要等乾時，應該又係另一回事。
做到我好攰喇 ! 於是又係時候訓晏覺 hahahahahaha
沒有留言:
張貼留言