11點幾返到公司，做做下都做到1點，快步走去搭地鐵，15分鐘去到銅鑼灣。由地鐵站搭 lift 上地面時，遇著一個好好人o既女仔，佢同行o既 friend 係推住架 bb 車o既，出 lift 時佢見我大肚主動禁住門制俾我出先，我好 appreciate 香港仲有呢 D 好人。去到 dickens bar，其實有好多野都唔食得.... 例如成個 salad bar 同 cold cut 我都未敢食住.... 至於甜品方面，可能因為佢而家走聖誕路線o既關係，聖誕甜品唔太o岩食... dickens bar 裝修之後，冇左蛋檔、冇左任飲咖啡，得番 egg by order，但個炒蛋擺到明係用蛋水炒 (即係唔係真係蛋，而係一包包返貨o既 ready to use egg mix)，仲要難食過麥當勞.....
食飽飽，係時候去上最後一堂o既陪月班。陪月班總共 4 堂，頭 3 堂係姑娘講湊 bb，每當有同學問︰要唔要咩 xx 呀? 要唔要用 yy 呀？姑娘都會話「你係 bb o既父母，要用咩最終都係你自己決定，後果由你負責，你記住係咁就 ok」，我覺得佢講得好好，因為最終 bb 要點湊都係你地自己o既決定。又有一次，有個同學問要唔匚買某件野，姑娘話「我係正面咁講呢句 -- 財散人安樂囉 -- 如果o個 d 錢你使左係高興o既，你咪使囉」。
今堂係中醫師講產後飲食。雖然佢有派一張建議餐單，但冇食譜，所以係冇講點煮的....。不過都聽倒一 d 有用o既野，例如︰
- 醋有止血功用。但點解話惡露未清唔好食薑醋呢？原來係關薑醋入面o既薑事。醫師話薑o既薑o既辣會「外發」，所以會行血，行血就即係會流血囉。惡露其實係胎盤脫落後傷口流o既血，所以點解惡露會中鮮紅色逐漸變成啡色、黃色。
- 原來要食參係六七個月時食最好，而且應該食紅參 (記得去韓國時，o個 d 「國家指定銷售點」話紅參係用糖煮到紅芯，將參o既熱中和左，所以補而不燥咁話)，到八九個月時就不宜再食了，因為會太燥。如果想繼續食，就要轉食花旗參，涼o下 (我覺得係︰真係咁有必要係咁食參咩? )
- 成日話臨生要清胎痛，我理解醫師o既意思應該係因為之前食多左補野，於是臨生就要食番 d 涼野，如果唔係就會太熱氣，我諗亦都係因為熱氣到去個 bb 度所以話唔清胎痛 bb 皮膚唔好。醫師話如果唔係太熱氣，其實都唔適宜特登食 d 涼野，更加唔好食龜苓膏呀廿四味呀o個 d，會太過涼咁話。 (我見過 babykingdom 有人話臨生時一個禮拜食一龜苓膏，飲廿四味就冇見過)
- 醫師話餵人奶因為促進子宮收縮，有時候可以令惡露持續幾個月..... OMG!!!!! 咁驚?!!! 咁會令我唔想餵喎.... 不過我都係諗住全人奶真至返番工 je，返工後都要補奶粉啦。
- 成日聽人講餵人奶唔好食花膠，但醫師話食少少無妨。反而佢有提到花膠唔止太膠引至乳線塞，開刀生o既食花膠亦會太膠影響傷口癒合。
- 原來炒米茶唔係齋焗，係可以煲的，而且煲完 D 炒米變成粥其實都可以食。煲炒米茶除左主打炒米，仲可以落紅棗、薑，唔怕燥o既人落埋龍眼肉仲 good 。同埋炒米茶不宜擺過夜，飲唔晒就要倒。
揀葯材︰
- 龍眼肉︰要揀新鮮樣的
- 紅棗︰都係揀新鮮的
- 杞子︰濕o既好過乾，因為乾杞子係用琉璜屈過。濕杞子買番黎一定要雪
- 北芪︰白，黑皮為最好 (唔係黑皮都冇壞)，皮薄為佳
- 党參︰粗，少黑點，因黑點係細根，多細根表示佢生長地唔夠營養令佢要多生細根
夜喇 ^^ 
，講住咁多先，目標產假期間早d 訓 
，講住咁多先，目標產假期間早d 訓 
沒有留言:
張貼留言