同富媽媽一齊有左，本來開呢毎 blog 時係諗住一來記錄自己o既懷孕過程，另一方面記埋富媽媽一 d 因為富有而會同我唔同安排o既野，點知有左之後同富媽媽只係見過三次面，仲要有一次係佢宣佈有左而我未講得 (因為我個肚細佢兩個禮拜)。平時同佢 whatsapp 又唔方便打聽太多，多數係佢照完超聲波之後同大家 share 相，或者之前佢去完美國探佢男家之後話佢買左好多野。
最近一次見面係因為約左一個o係澳門做野o既 friend 返黎食 tea，因為佢真係好少返黎香港，對上一次就係富媽媽宣佈有左而約o個餐飯。今次呢個期約左好耐，咁o岩富媽媽就約左第二日開刀。
講番富媽媽開刀。話說富媽媽 32-33 週左右已經同我講話佢 bb 未調頭，當時我仲同佢講︰「唔使諗太多住，過左35週都未調頭先再諗啦」，點知佢
bb 真係一路都冇調頭，所以約左 38 週開刀。到o個日見面詳細講返，先知原來佢 bb 根本係打橫曲體，我唔係太理解倒，但佢話佢頭o係個胃度，而手腳就o係晒佢左邊肚。後話係，到佢開刀時搞左好耐就係因為bb o既頭同腳都o係佢個胃上面。
本來我以為富媽媽係會請晒陪月呀o個 d 咁樣，忘記左佢自己爸爸媽媽都係又後生又唔使做o既退休人士，所以現實係佢爸爸會負責煮飯，佢媽媽會留宿湊孫，現實係， bb 爸爸 (即係佢老公) 甚至唔需要湊 b。
之於我嘛.... 首先當然請唔起陪月，然後奶奶連平時煮飯洗衫都唔係好掂 (其實佢都七十幾喇....)，更加唔好講同我坐月，而我媽媽本來好似會幫我坐月湊孫但實際係其實佢想返工多 d .... 我成日同自己講，以前唔興陪月時 d 人都搞得掂啦，我相信我都可以，但非常非常好彩，老公轉左做 freelance o係屋企開工，佢已經拍晒心口話佢會搞得掂。
寫住咁多先啦 ^^
沒有留言:
張貼留言