)上到去，正路都係先去一次厠所然後先去磅重啦，點知o係厠格入面已經聽到叫我名，唯有即刻出番去磅重量血壓，咁o既情況之下當然血壓高啦，量血壓o既姑娘都話叫我入房見左姑娘之後要再返去番 check，入到房，房入面o既 deputy 護士長話「哦原來你遲左，o岩o岩先到，咁血壓梗係高啦」，佢都叫我之後坐多陣再量血壓然後直接返入房搵佢。
今次我估係因為就生得o既關係，姑娘問問題問得仔細過之前o個 D 好多，而且真係認真睇我腳有冇腫 (之前都只係問我有冇腫，我話冇，佢地同時眼尾 sao 一 sao 就當係)，跟住又問我分泌有冇唔同，咁分泌梗係有架啦，我亦 keep 住有用護墊，姑娘就話唔好用，因為驚潮濕，佢話零願多 D 去厠所抺多 D。我當刻當然冇咩 comment 啦，而事實係根本連厠所都冇時間去，成日都勁急先去，而且係堅有得疴，唔係因為個肚逼住，有時仲必住咁急 hahahahhahah，所以有塊護墊對我黎講真係好重要。姑娘又問我陰道有冇痕，咁好久唔久痕一下我覺得都好正常 je，但我又有真係老實講喎，於是本來今次冇得見醫生又變成俾醫生 check 下 D 陰道分泌有冇需要跟進喇。
跟住都仲有得由姑娘摸肚同聽心跳，我覺得今次姑娘都有摸得認真左 (如果冇記錯呢個係之前個肚仲細時，意圖 yui 落我個肚臍度近距離 D 搵 BB 心跳o個個姑娘)，佢仲好似話BB 已經落左 (盤骨) 少少，我聽唔清楚所以唔敢肯定佢係咪講呢樣野。
之後見醫生，用鴨咀拑檢查。可能太耐冇做抹片喇，同埋真係有少少緊張，所以今次鴨咀拑檢查我有覺得差 D 忍唔住 hhhahahahaha
。醫生又再講話「行李要執好喇」咁樣，我都循例答「係呀 ^u^」其實乜都未執 hahahahahah。今次護士同醫生都有 reconfirm 我知道咩係要入醫院o既徵狀，係咩呀 -- 就係見紅、穿水同陣痛啦，而陣痛係要10分鐘之內有兩次每次有成分鐘先當架。btw, 今日去完健康院同老公講醫生同姑娘都有問，佢原來以為見紅同穿水係一樣 
產檢攞左一日假，拎左野返屋企做，返埋聽日終於放產假喇
沒有留言:
張貼留言