今朝就係晨早流流5點幾俾奶奶大人嘈醒左啦 (仍在火中
)，寫左個幾鐘 blog 先去倒番訓，訓到十點幾起身都仲係好攰。本來我以為放左一個星期假，我日日訓晏覺，已經將所有返工o既攰 KO 晒，點知就係佢一野就真係 KO 我所有精力，搞到我成個下晏溫溫燉燉咁，佢仲要食完晏o係廚房唔知搞咩搞左好耐，我已經特登將電視校到英文台唔俾佢睇諗住趕佢入房訓覺，最終佢冇o係梳化坐低過，就直接返左入房，我以為佢咁乖去訓啦，點知原來佢好似人地食鴉片咁打斜 hea o係度等夠鐘裝香，咁梗係即刻俾我 fea 佢叫佢去訓啦，話我會幫佢裝香。我奶奶大人就係咁 ........
至於我呢，因為有左之後我一訓晏覺就冇兩三個鐘都唔醒，所以我真係唔敢訓。但係到五點幾我都頂唔住喇，都入房校鬧鐘訓左半個鐘，好過冇啦，好似以前返工食完 lunch去訓20分鐘咁，就好醒神下架喇。
卒之今晚造節食飯食到 11點半先走，我直情 feel 倒自己對腳坐到腫晒.....
返到屋企已經11:45pm，梗係即刻沖涼訓啦。最近我地好努力咁 KO 緊好耐之前屈臣氏送o既一枝洗頭水，當日個店員夾硬塞俾我時，我好記得我講過「咁大枝?! 如果唔好用咪死?!」，當時個店員仲話「唔係我幫公司講說話喎，係真係幾好用架喎!!!」，我真係好想搵人打佢一身 (當日我返娘家食飯，我都夾硬留左一枝o係娘家叫我細佬用，佢應該都好想小爆我)。呢枝洗頭水....只要你 keep 住個頭日日洗其實係唔會有大問題的，但過唔倒夜.... 我諗住「唔，試下唔洗頭會點先」(因為我剪短左頭髮預俾坐月唔洗得頭)，就係呢個第2日我已經頂唔倒，個頭又硬又冇晒形...... 我同老公講，我都係用返 rejoice 喇，你繼續加油啦
訓上床，我又o係度摸下摸下我個肚。臨訓時通常小小都會好活躍，琴晚尤甚。佢又係上上下下都郁咁囉。我諗極都唔明，佢個頭都夾住左啦，究竟個上身點解仲郁倒o既呢？係咩動作o既呢？佢一路郁一路郁，其實都幾得意，咁佢冇停過咁就叫老公都摸下啦，因為呢個女好衰的，次次我見佢郁唔停想拍 movie 或者俾佢阿爸摸下時，佢就會即停。老公都摸都佢係咁郁，佢仲要到最後強掙左一下，好似我平時臨訓黎個大字形拉筋咁，痛到我咩咁 .... 痛完之後我都笑左出黎︰果然係我個女
)，寫左個幾鐘 blog 先去倒番訓，訓到十點幾起身都仲係好攰。本來我以為放左一個星期假，我日日訓晏覺，已經將所有返工o既攰 KO 晒，點知就係佢一野就真係 KO 我所有精力，搞到我成個下晏溫溫燉燉咁，佢仲要食完晏o係廚房唔知搞咩搞左好耐，我已經特登將電視校到英文台唔俾佢睇諗住趕佢入房訓覺，最終佢冇o係梳化坐低過，就直接返左入房，我以為佢咁乖去訓啦，點知原來佢好似人地食鴉片咁打斜 hea o係度等夠鐘裝香，咁梗係即刻俾我 fea 佢叫佢去訓啦，話我會幫佢裝香。我奶奶大人就係咁 ........至於我呢，因為有左之後我一訓晏覺就冇兩三個鐘都唔醒，所以我真係唔敢訓。但係到五點幾我都頂唔住喇，都入房校鬧鐘訓左半個鐘，好過冇啦，好似以前返工食完 lunch去訓20分鐘咁，就好醒神下架喇。
卒之今晚造節食飯食到 11點半先走，我直情 feel 倒自己對腳坐到腫晒.....
返到屋企已經11:45pm，梗係即刻沖涼訓啦。最近我地好努力咁 KO 緊好耐之前屈臣氏送o既一枝洗頭水，當日個店員夾硬塞俾我時，我好記得我講過「咁大枝?! 如果唔好用咪死?!」，當時個店員仲話「唔係我幫公司講說話喎，係真係幾好用架喎!!!」，我真係好想搵人打佢一身 (當日我返娘家食飯，我都夾硬留左一枝o係娘家叫我細佬用，佢應該都好想小爆我)。呢枝洗頭水....只要你 keep 住個頭日日洗其實係唔會有大問題的，但過唔倒夜.... 我諗住「唔，試下唔洗頭會點先」(因為我剪短左頭髮預俾坐月唔洗得頭)，就係呢個第2日我已經頂唔倒，個頭又硬又冇晒形...... 我同老公講，我都係用返 rejoice 喇，你繼續加油啦
訓上床，我又o係度摸下摸下我個肚。臨訓時通常小小都會好活躍，琴晚尤甚。佢又係上上下下都郁咁囉。我諗極都唔明，佢個頭都夾住左啦，究竟個上身點解仲郁倒o既呢？係咩動作o既呢？佢一路郁一路郁，其實都幾得意，咁佢冇停過咁就叫老公都摸下啦，因為呢個女好衰的，次次我見佢郁唔停想拍 movie 或者俾佢阿爸摸下時，佢就會即停。老公都摸都佢係咁郁，佢仲要到最後強掙左一下，好似我平時臨訓黎個大字形拉筋咁，痛到我咩咁 .... 痛完之後我都笑左出黎︰果然係我個女
沒有留言:
張貼留言